نئی دہلی، 25 ستمبر (ہ س)۔

بینکنگ، تیل و گیس اور آٹو موبائل کمپنیوں کے شیئرز میں نچلی سطح پر خریداری آنے کے باعث ہفتے کے آخری کاروباری دن جمعہ کو شیئر بازار تیزی کے ساتھ بند ہوا۔ سینسیکس میں 315 پوائنٹس کا اضافہ ہوا، جبکہ نفٹی میں 77 پوائنٹس کی بہتری درج کی گئی۔

بمبئی اسٹاک ایکسچینج (بی ایس ای) کا 30 شیئرزوالا اہم انڈیکس سینسیکس 315.20 پوائنٹس یعنی 0.43 فیصد کی تیزی کے ساتھ 73,895.74 پوائنٹس کی سطح پر بند ہوا۔ نیشنل اسٹاک ایکسچینج (این ایس ای) کا نفٹی 77.40 پوائنٹس یعنی 0.34 فیصد کے اضافے کے ساتھ 23,140.50 پوائنٹس پر بند ہوا۔

کاروبار کے دوران سینسیکس ایک وقت 73,968.05 پوائنٹس کی بلند ترین اور 73,477.77 پوائنٹس کی نچلی سطح تک پہنچا۔ سینسیکس کے 19 شیئرز اضافے کے ساتھ بند ہوئے، جبکہ 11 شیئرز میں گراوٹ رہی۔ اسی طرح این ایس ای کے 50 شیئرز والے نفٹی میں 34 شیئرز تیزی اور 15 شیئرز گراوٹ کے ساتھ بند ہوئے، جبکہ ایک شیئرز میں کوئی تبدیلی نہیں ہوئی۔

سینسیکس میں شامل اہم کمپنیوں میں ایکسس بینک کا شیئرز سب سے زیادہ 2.82 فیصد چڑھا۔ مہندرا اینڈ مہندرا میں 2.24 فیصد، ایشین پینٹس میں 1.93 فیصد، بجاج فائنانس میں 1.21 فیصد، ایچ سی ایل ٹیک میں 1.17 فیصد اور ٹائٹن میں 1.01 فیصد کی تیزی رہی۔ ٹرینٹ کا شیئرز 1.41 فیصد گر گیا۔ اس کے علاوہ انفوسس، کوٹک مہندرا بینک، آئی سی آئی سی آئی بینک اور ٹاٹا اسٹیل کے حصص میں بھی گراوٹ رہی۔

ہندوستھان سماچار

ہندوستان سماچار / عطاءاللہ