نئی دہلی، 25 ستمبر (ہ س)۔

انڈیا موبائل کانگریس (آئی ایم سی) نے جمعہ کو ’وکست ٹیک 47‘ لانچ کیا۔ یہ ایک ایسا پلیٹ فارم ہے جو عالمی بازار میں توسیع کی خواہش رکھنے والی بھارتی ٹیکنالوجی کمپنیوں کی شناخت کرنے کے ساتھ ساتھ انہیں اعزاز اور تعاون بھی فراہم کرے گا۔

آئی ایم سی کے مطابق یہ پہل انڈیا موبائل کانگریس کے 10ویں ایڈیشن کا حصہ ہے، جو 7 سے 10 اکتوبر تک نئی دہلی کے یشوبھومی کنونشن سینٹر میں منعقد ہوگا۔ اس کا مقصد ’وکست بھارت 2047‘ کے وزن کے تحت عالمی ٹیکنالوجی ویلیو چین میں بھارتی ٹیکنالوجی برانڈز اور کمپنیوں کو فروغ دینا ہے۔

ٹیکنالوجی اینالیٹکس، ریسرچ اور کنسلٹنگ فرم ’ٹیک آرک‘ اس پہل کے لیے ریسرچ پارٹنر کے طور پر کام کرے گی۔ اس پہل کے اختتام پر ایک خصوصی رپورٹ بھی جاری کی جائے گی، جسے آئی ایم سی میں پیش کیا جائے گا۔ یہ رپورٹ عالمی ٹیکنالوجی ویلیو چین میں بھارت کی پوزیشن کی نشاندہی کرے گی۔

یہ رپورٹ 200 سے زائد بھارتی ٹیکنالوجی کمپنیوں کے مطالعے اور ان کے بانیوں اور صنعت کے ماہرین سے گفتگو پر مبنی ہوگی، تاکہ اس شعبے کی واضح تصویر سامنے آسکے۔

آئی ایم سی نے کہا کہ اس خصوصی پہل کا بنیادی مقصد ان بھارتی ٹیکنالوجی کمپنیوں، اسٹارٹ اپس اور اختراع کاروں کی شناخت کرنا، انہیں آگے بڑھانا اور عالمی پلیٹ فارم فراہم کرنا ہے جو عالمی ٹیکنالوجی ویلیو چین میں بھارت کے اثر و رسوخ کو بڑھا رہے ہیں۔

ہندوستھان سماچار

ہندوستان سماچار / عطاءاللہ