نئی دہلی، 25 ستمبر (ہ س)۔الیکٹرک دو پہیہ گاڑیاں بنانے والی کمپنی ایتھر انرجی نے جمعہ کو یہاں اپنا نیا الیکٹرک اسکوٹر ’کونارک‘ لانچ کر دیا۔ اس کی ابتدائی قیمت 79,999 روپے (ایکس شوروم، نئی دہلی، سبسڈی سمیت) مقرر کی گئی ہے۔ کمپنی کے مطابق کونارک کے منتخب ویرینٹس کی ڈیلیوری مرحلہ وار شروع کی جائے گی۔

کمپنی نے کونارک کو ’ایس‘ اور ’زیڈ‘ پروڈکٹ لائن کے تحت چھ ویرینٹس میں پیش کیا ہے۔ اس میں 200 کلومیٹر تک کی آئی ڈی سی رینج کا آپشن دیا گیا ہے۔ کمپنی نے اس کے سروس انٹرول کو بڑھا کر 10 ہزار کلومیٹر یا تقریباً ایک سال، جو بھی پہلے ہو، کر دیا ہے۔

کونارک کے تمام ویرینٹس میں ایتھر کی پانچویں نسل کی ’بیڈراک‘ بیٹری دی گئی ہے۔ کمپنی نے بیٹری پر 10 سال یا ایک لاکھ کلومیٹر، جو بھی پہلے ہو، کی وارنٹی دینے کا اعلان کیا ہے۔ اس کے علاوہ وارنٹی کی مدت کے اختتام تک کم از کم 70 فیصد بیٹری ہیلتھ کی ضمانت بھی دی گئی ہے۔

کمپنی کے مطابق کونارک میں 14 انچ کا فرنٹ الائے وہیل اور 12 انچ کا ریئر الائے وہیل دیا گیا ہے۔ اس کا وہیل بیس 1,352 ملی میٹر ہے، جبکہ اگلے اور پچھلے حصے میں لانگ ٹریول سسپنشن دیا گیا ہے۔ یہ ایتھر کا پہلا اسکوٹر ہے جس میں پچھلے حصے میں میٹل پینل اور اسٹیل یونی باڈی چیسس استعمال کیا گیا ہے۔

کونارک میں ایڈوانسڈ الیکٹرانک بریکنگ سسٹم (اے ای بی ایس)بھی دیا گیا ہے، جو سڑک کی صورتحال کے مطابق اگلے اور پچھلے پہیوں کے درمیان بریکنگ فورس کو خودکار طور پر ایڈجسٹ کرتا ہے۔ اس میں ری جنریٹو بریکنگ کی سہولت بھی موجود ہے۔

اسکوٹر میں میجک کی کے ساتھ کی لیس سہولت، اسمارٹ ویک، آٹومیٹک لاکنگ اور ریموٹ اسکوٹر لوکیشن جیسے فیچرز دیے گئے ہیں۔ ’آٹو پاپ‘ فیچر کی مدد سے سیٹ کے نیچے موجود اسٹوریج کو بغیر ہاتھ لگائے کھولا جا سکتا ہے، جبکہ ’ایئر واک‘ فیچر کم جگہ میں اسکوٹر کو دستی طور پر کھسکانے میں مدد کرتا ہے۔

چارجنگ کے لیے کونارک میں انٹیگریٹڈ آن بورڈ چارجر اور چارجنگ کیبل دی گئی ہے۔ کمپنی کے مطابق اختیاری 450 واٹ آف بورڈ چارجر کو اسکوٹر کے بلٹ اِن 450 واٹ چارجر کے ساتھ استعمال کرنے پر مجموعی طور پر 900 واٹ کی چارجنگ صلاحیت حاصل کی جا سکتی ہے، جس سے گھر پر چارجنگ کا وقت کم کیا جا سکتا ہے۔

ایتھر انرجی کے چیف بزنس آفیسر روانیت ایس فوکیلا نے کہا کہ دہلی-این سی آر کمپنی کے لیے الیکٹرک موبلٹی کے لحاظ سے ایک اہم مارکیٹ ہے۔ انہوں نے کہا کہ کونارک میں 10 ہزار کلومیٹر کا سروس انٹرول، 10 سال یا ایک لاکھ کلومیٹر کی بیٹری وارنٹی، 200 کلومیٹر تک کی رینج اور فاسٹ ہوم چارجنگ جیسی سہولیات دی گئی ہیں۔

کمپنی کے مطابق مالی سال 2026 کی پہلی سہ ماہی میں دہلی-این سی آر میں الیکٹرک گاڑیوں کی حصہ داری 6.27 فیصد تھی، جو مالی سال 2027 کی پہلی سہ ماہی میں بڑھ کر 9.23 فیصد ہو گئی۔ کمپنی نے دہلی میں 11 ایکسپیرینس سینٹر اور سات سروس سینٹر قائم کیے ہیں، جبکہ دہلی-این سی آر میں اس کے 273 ایل ای سی سی ایس فاسٹ چارجنگ پوائنٹس موجود ہیں۔

واضح رہے کہ ایتھر پہلے ہی 450 سیریز اور رِزٹا الیکٹرک اسکوٹر فروخت کرتی ہے۔ کونارک کی لانچنگ کے ساتھ کمپنی نے دہلی-این سی آر میں اپنے الیکٹرک دو پہیہ گاڑیوں کے پورٹ فولیو کو مزید وسعت دی ہے۔ایتھر انرجی کے مارکیٹنگ سربراہ سوربھ شرما نے کونارک کے فیچرز کی تفصیلات بتاتے ہوئے کہا کہ کمپنی نے اس میں کئی ٹیکنالوجیز کو نئے انداز میں پیش کیا ہے۔ انہوں نے میجک کی، آٹو پاپ، ایئر واک اور ایڈوانسڈ الیکٹرانک بریکنگ سسٹم (اے ای بی ایس) جیسی سہولیات کا ذکر کیا۔

انہوں نے کہا کہ ان فیچرز کا مقصد صرف نئی ٹیکنالوجی شامل کرنا نہیں، بلکہ پارکنگ، بریکنگ، اسٹوریج اور روزمرہ سواری سے متعلق ضروریات کو آسان بنانا ہے۔ ان کے مطابق میجک کی کے ذریعے روایتی چابی کے بغیر اسکوٹر اور اسٹوریج تک رسائی حاصل کی جا سکتی ہے، جبکہ آٹو پاپ سے سیٹ کے نیچے موجود اسٹوریج خود بخود کھولا جا سکتا ہے۔ ایئر واک کم جگہ میں اسکوٹر کو کھسکانے میں مدد کرتا ہے، جبکہ اے ای بی ایس سڑک کی صورتحال کے مطابق اگلے اور پچھلے پہیوں کے درمیان بریکنگ فورس کو ایڈجسٹ کرتا ہے۔

ہندوستھان سماچار

ہندوستان سماچار / Mohammad Khan