آئچی-ناگویا، 25 ستمبر (ہ س): بھارتی ایتھلیٹ برانیکا ایلنگوون نے ایشیائی کھیل-2026 میں خواتین کے پول والٹ مقابلے میں کانسہ کا تمغہ جیت کر تاریخ رقم کر دی۔ وہ ایشیائی کھیلوں میں پول والٹ میں تمغہ جیتنے والی پہلی بھارتی ایتھلیٹ بن گئی ہیں۔

29 سالہ برانیکا نے ناگویا کے میزُوہو پارک ایتھلیٹک اسٹیڈیم میں 4.15 میٹر کی بہترین چھلانگ لگائی۔ قازقستان کی پولینا ایوانووا نے بھی 4.15 میٹر کی اونچائی عبور کی۔ دونوں کھلاڑیوں کی بہترین کوشش اور کاؤنٹ بیک یکساں رہنے کے باعث کانسی کا تمغہ دونوں کے درمیان مشترکہ طور پر تقسیم کیا گیا۔

برانیکا نے 3.85 میٹر اور 4.00 میٹر کی اونچائی اپنے پہلے ہی کوشش میں عبور کر لی۔ اس کے بعد 4.15 میٹر کی اونچائی پر انہیں پہلی کوشش میں کامیابی نہیں ملی، لیکن دوسری کوشش میں انہوں نے اسے عبور کر لیا۔

اس کے بعد تمل ناڈو کی اس ایتھلیٹ نے 4.25 میٹر کی اونچائی عبور کرنے کی کوشش کی، لیکن تینوں کوششوں میں ناکام رہیں۔ اس کے باوجود 4.15 میٹر کی کارکردگی انہیں تاریخی کانسہ کا تمغہ دلانے کے لیے کافی رہی۔

بھارت کی دوسری کھلاڑی سندھو شری گنیشا کوئی درست کوشش درج نہیں کرا سکیں اور مشترکہ طور پر آخری مقام پر رہیں۔

ہندوستھان سماچار

---------------

ہندوستان سماچار / عبدالسلام صدیقی