آئچی-ناگویا، 25 ستمبر (ہ س)۔ ایشیائی کھیل 2026 میں بھارت نے جمعہ کو شاندار کارکردگی کا مظاہرہ کرتے ہوئے شوٹنگ میں دو تمغوں سمیت مجموعی طور پر 5 تمغے اپنے نام کیے۔ سُرچی سنگھ اور کمل جیت نے مکسڈ 10 میٹر ایئر پسٹل میں طلائی تمغہ جیتا، جبکہ ایشوریہ پرتاپ سنگھ تومر، رودرانکش پاٹل اور نیرج کمار کی تین رکنی ٹیم نے مردوں کے 50 میٹر رائفل تھری پوزیشن ٹیم مقابلے میں چاندی کا تمغہ حاصل کیا۔
ان تمغوں کے علاوہ من پریت کور نے خواتین کے شاٹ پٹ میں کانسہ، جبکہ گل ویر سنگھ نے مردوں کی 10,000 میٹر دوڑ میں چاندی کا تمغہ جیتا۔ وہیں برانیکا ایلنگوون نے خواتین کے پول والٹ مقابلے میں کانسہ کا تمغہ جیت کر تاریخ رقم کی۔
بھارت کے تمغوں کی تعداد اب 23 ہو گئی ہے، جس میں دو طلائی، نو چاندی اور 11 کانسہ کے تمغے شامل ہیں۔
سُرچی-کمل جیت نے جیتا سنا
مکسڈ 10 میٹر ایئر پسٹل کے فائنل میں سُرچی سنگھ اور کمل جیت نے 484.6 پوائنٹس کے ایشیائی ریکارڈ اسکور کے ساتھ طلائی تمغہ اپنے نام کیا۔ بھارتی جوڑی نے ابتدا ہی سے برتری برقرار رکھی اور آخری مرحلے میں جنوبی کوریا کے چیلنج کے باوجود 6.6 پوائنٹس کے فرق سے کامیابی حاصل کی۔ ایران نے 415.8 پوائنٹس کے ساتھ کانسہ کا تمغہ جیتا۔
یہ ان کھیلوں میں بھارت کا دوسرا طلائی تمغہ ہے۔ اس سے پہلے بھارتی خواتین کی کرکٹ ٹیم نے طلائی تمغہ جیتا تھا۔
رائفل ٹیم نے جیتا چاندی
مردوں کے 50 میٹر رائفل تھری پوزیشن ٹیم مقابلے میں ایشوریہ پرتاپ سنگھ تومر، رودرانکش پاٹل اور نیرج کمار کی بھارتی ٹیم نے 1762-94X کے اسکور کے ساتھ چاندی کا تمغہ جیتا۔
ایشوریہ نے 589-34X اور نیرج نے 588-34X کا اسکور کیا۔ دونوں نے انفرادی فائنل کے لیے بھی کوالیفائی کیا۔ ایشوریہ تیسرے اور نیرج چوتھے مقام پر رہے۔
من پریت نے شاٹ پٹ میں دلایا کانسہ
خواتین کے شاٹ پٹ مقابلے میں من پریت کور نے 17.17 میٹر کی بہترین کوشش کے ساتھ کانسہ کا تمغہ جیتا۔ ہانگژو ایشیائی کھیلوں میں پانچویں مقام پر رہنے والی من پریت نے اس بار پوڈیم پر جگہ بنائی۔
گل ویر کا چاندی، برانیکا کا تاریخی کانسہ
مردوں کی 10,000 میٹر دوڑ میں گل ویر سنگھ نے 28:29.38 منٹ کے وقت کے ساتھ چاندی کا تمغہ جیتا۔ انہوں نے ہانگژو میں جیتے گئے کانسہ کے تمغے کو اس بار چاندی کے تمغے میں تبدیل کر دیا۔
وہیں برانیکا ایلنگوون نے خواتین کے پول والٹ مقابلے میں کانسہ کا تمغہ جیت کر تاریخ رقم کی۔ وہ ایشیائی کھیلوں میں پول والٹ میں تمغہ جیتنے والی پہلی بھارتی ایتھلیٹ بن گئیں۔
تمغوں کی فہرست میں بھارت 12ویں مقام پر
جمعہ کو دستیاب تمغوں کی فہرست میں چین 92 سونا، 35 چاندی اور 22 کانسے سمیت 149 تمغوں کے ساتھ سرفہرست ہے۔ جاپان 105 تمغوں کے ساتھ دوسرے اور جنوبی کوریا 59 تمغوں کے ساتھ تیسرے مقام پر ہے۔
بھارت دو سونا، نو چاندی اور 11 کانسے سمیت 23 تمغوں کے ساتھ 12ویں مقام پر ہے۔
ہندوستھان سماچار
---------------
ہندوستان سماچار / عبدالسلام صدیقی
