آیچی ناگویا، 24 ستمبر (ہ س)۔ ہندوستانی باکسر ساکشی چودھری ایشین گیمز 2026 میں خواتین کے 51 کلوگرام کے مقابلے میں قازقستان کی بالکی بیکووا سے 2-3 سے ہار گئیں۔ اس شکست کے ساتھ ہی ٹورنامنٹ میں ساکشی کا سفر ختم ہو گیا۔ مقابلے کے فیصلہ کن تیسرے راؤنڈ میں، بالکی بیکووا نے جارحانہ انداز میں شروعات کی اور ساکشی پر دباؤ ڈالا۔ قازق باکسر نے ساکشی کے جبڑے پر تیز انڈر کٹ سے وار کیا اور ابتدائی برتری حاصل کی۔

ساکشی، واپسی کرنے کی کوشش میں، رنگ میں مسلسل دباؤ ڈالتی رہی اور اپنے مخالف کے چہرے پر ایک تیز ہک بھی لگا دی۔ تاہم، بالکی بیکووا نے فوری جواب دیا اورسٹیک جیب لگائے اوراپنی برتری کو برقرار رکھا۔ آخری گھنٹی تک میچ انتہائی قریبی مقابلہ کا تھا، لیکن بالکی بیکووا نے اگلے راؤنڈ میں آگے بڑھنے کے لیے3-2کے اسپلٹ ڈیسیزن سے کامیابی حاصل کی۔ ساکشی نے مقابلے میں سخت مقابلہ کیا لیکن ایک معمولی فرق سے ہار گئی۔

ہندوستانی باکسر پروین رنگ میں داخل ہوئے بغیر کوارٹر فائنل میں پہنچ گئیں۔ ان کی حریف تاجکستان کی ملیکا نوزیمووا نے واک اوور دیا۔ پروین اب آخری آٹھ مقابلے میں ازبکستان کی نوباخور خامدووا سے مقابلہ کریں گی۔

ہندوستھان سماچار

--------

ہندوستان سماچار / عبدالسلام صدیقی