کشن گنج، 18 ستمبر (ہ س)۔ بھارت نیپال سرحد پر منشیات کی اسمگلنگ کے خلاف جاری مہم میں سشستر سیما بل (ایس ایس بی) اور دیگھل بینک تھانہ نے ایک بڑی کامیابی حاصل کی ہے۔ ایک مشترکہ کارروائی میں پولیس اور ایس ایس بی کی ٹیم نے دو نیپالی شہریوں کو 73.03 گرام براؤن شوگر کے ساتھ گرفتار کیا۔برآمد ہونے والی منشیات کی بین الاقوامی مارکیٹ میں مالیت ڈیڑھ سے دو لاکھ روپے کے لگ بھگ بتائی جاتی ہے۔ اسسٹنٹ کمانڈنٹ منوج کمار کے مطابق یہ کارروائی ایک خفیہ اطلاع کی بنیاد پر کی گئی۔ دونوں نیپالی شہری دیگھل بینک بازار کی طرف پیدل جارہے تھے۔ جب انہوں نے مشترکہ پولیس اور ایس ایس بی کی گشتی ٹیم کو دیکھا تو انہوں نے بھاگنے کی کوشش کی۔ دوڑ کر جوانوں نے انہیں گھیر لیا اور انہیں دیگھل بینک اسکول کے قریب سرحدی پیلر نمبر 134 سے تقریباً 600 میٹر کے فاصلے پر پکڑ لیا۔تلاشی لینے پر ان سے 73.03 گرام منشیات برآمد ہوئی۔ تحقیقات سے پتہ چلا کہ یہ براؤن شوگر ہے۔ گرفتار ملزمین کی شناخت بھارت ہیمرام اور رگھویر تاجپوریا ضلع جھپا، نیپال کے رہنے والے ہیں۔ جمعہ کے روز دیگھل بینک تھانہ انچارج بپن کمار نے بتایا کہ اس معاملے میں ایک خفیہ اطلاع کی بنیاد پر کارروائی کی گئی۔ پولیس دونوں گرفتار ملزمین سے پوچھ گچھ کر رہی ہے تاکہ یہ معلوم کیا جا سکے کہ براؤن شوگر کی کھیپ کہاں پہنچائی جانی تھی اور اس میں اور کون ملوث ہے۔پولیس اسمگلنگ کے ممکنہ نیٹ ورک میں ملوث دیگر افراد کے بارے میں بھی معلومات اکٹھی کر رہی ہے۔ پولیس نے این ڈی پی ایس ایکٹ کے تحت مقدمہ درج کرکے دونوں ملزمین کو عدالتی تحویل میں بھیجنے کی کارروائی شروع کردی ہے۔ سرحدی علاقے میں منشیات کی اسمگلنگ روکنے کے لیے مشترکہ گشت اور نگرانی جاری ہے۔

ہندوستھان سماچار

ہندوستان سماچار / Mohammad Afzal Hassan