نئی دہلی، 18 ستمبر (ہ س)۔

آئندہ تہواروں کے دوران مسافروں کی سہولت کے پیش نظر شمال مغربی ریلوے سری گنگانگر اور سمستی پور کے درمیان ہفتہ وار خصوصی ٹرین چلائے گا۔

شمال مغربی ریلوے کے چیف پبلک ریلیشنز آفیسر امیت سدرشن کے مطابق ٹرین نمبر 04731 سری گنگانگر-سمستی پور ہفتہ وار اسپیشل 18 اکتوبر سے 29 نومبر 2026 تک کل سات چکر چلائے گی۔ یہ ٹرین ہر اتوار کو سری گنگانگر سے دوپہر 1:25 بجے روانہ ہو کر اگلے روز رات 11:15 بجے سمستی پور پہنچے گی۔

واپسی میں ٹرین نمبر 04732 سمستی پور-سری گنگانگر اسپیشل 20 اکتوبر سے یکم دسمبر 2026 تک کل سات چکر لگائے گی۔ یہ ٹرین ہر منگل کو سمستی پور سے رات 12:45 بجے روانہ ہو کر اگلے روز دوپہر 12:20 بجے سری گنگانگر پہنچے گی۔یہ خصوصی ٹرین سادُل شہر، ہنومان گڑھ، سنگریا، منڈی ڈبوالی، راماں، سرسا، منڈی آدم پور، حصار، ہانسی، روہتک، دہلی، غازی آباد، مراد آباد، بریلی، سیتاپور، گونڈہ، گورکھپور، دیوریا صدر، سیوان، چھپرا، سون پور، حاجی پور اور مظفرپور اسٹیشنوں پر رکے گی۔

ٹرین میں 20 کوچز ہوں گے، جن میں ایک سیکنڈ اے سی، دو تھرڈ اے سی، 11 سلیپر کوچ، چار جنرل کوچ اور دو گارڈ کوچ شامل ہیں۔

ہندوستھان سماچار

ہندوستان سماچار / Mohammad Khan