نئی دہلی، 18 ستمبر (ہ س)۔ وزیراعظم نریندر مودی ہفتہ کو 20ویں روزگار میلے کے دوران مختلف سرکاری اداروں میں نو تقرر 51 ہزار سے زائد نوجوانوں کو تقرری نامے تقسیم کریں گے۔ وزیراعظم دوپہر 12:30 بجے ویڈیو کانفرنسنگ کے ذریعے تقرری نامے فراہم کرنے کے ساتھ ساتھ نو منتخب امیدواروں سے خطاب بھی کریں گے۔

وزیراعظم دفتر کے مطابق, روزگار میلے کا انعقاد ملک بھر میں 45 مقامات پر کیا جائے گا۔ اس دوران تقرری پانے والے نوجوان مرکزی حکومت کی مختلف وزارتوں اور محکموں میں اپنی ذمہ داریاں سنبھالیں گے۔ ان میں محکمہ محصولات، وزارت ریلوے، وزارت داخلہ، وزارت صحت و خاندانی بہبود، محکمہ مالیاتی خدمات اور وزارت دفاع سمیت دیگر محکمے شامل ہیں۔

حکومت کے مطابق روزگار میلہ نوجوانوں کے لیے روزگار کے مواقع فراہم کرنے اور انہیں ملک کی ترقی میں زیادہ سے زیادہ حصہ لینے کا موقع دینے کی سمت میں جاری کوششوں کا حصہ ہے۔20ویں روزگار میلے کے ساتھ ہی مختلف سرکاری محکموں اور اداروں میں اب تک تقریباً 12.75 لاکھ نوجوانوں کو تقرری نامے دیے جا چکے ہوں گے۔

ہندوستھان سماچار

ہندوستان سماچار / محمد شہزاد