تاریخ کے آئینے میں 20 اگست : بھارتی ریلوے کے المناک حادثوں میں سے ایک فیروز آباد ریل حادثہ

تاریخ میں 20 اگست کی تاریخ ہندوستانی ریل کی تاریخ کے سب سے خوفناک حادثات میں سے ایک فیروز آباد ریل حادثے کی یاد دلاتی ہے۔ 20 اگست 1995 کو اتر پردیش کے فیروز آباد میں پروشوتم ایکسپریس اور کالندی ایکسپریس کے درمیان زبردست ٹکر ہوئی تھی۔ اس حادثے میں 250 سے زائد مسافروں کی موت ہوئی تھی، جبکہ بڑی تعداد میں لوگ زخمی ہوئے تھے۔

حادثہ اس قدر دل دہلا دینے والا تھا کہ دونوں ٹرینوں کی کئی بوگیاں بری طرح تباہ ہو گئیں۔ حادثے کے بعد جائے وقوعہ پر افرا تفری مچ گئی اور امدادی و بچاو ٹیموں کو ملبے میں پھنسے مسافروں کو نکالنے کے لیے کئی گھنٹوں تک مہم چلانی پڑی۔ فیروز آباد ریل حادثے نے اس وقت ہندوستانی ریل کے حفاظتی نظام اور حادثات کی روک تھام کے لیے کیے جانے والے اقدامات پر سنگین سوالات کھڑے کر دیے تھے۔ مسافروں کی اتنی بڑی تعداد میں ہلاکت نے پورے ملک کو جھنجھوڑ کر رکھ دیا تھا۔

یہ سانحہ ہندوستانی ریل کی تاریخ کے ان المناک واقعات میں شامل ہے، جس نے ریل کے سفر میں حفاظت کی اہمیت کو اجاگر کیا۔ فیروز آباد کی وہ خوفناک رات آج بھی ریل حادثات میں جان گنوانے والے مسافروں کی یاد کے ساتھ ملک کی اجتماعی یادوں میں نقش ہے۔

دیگر اہم واقعات:

1597 - مشرقی ایشیا سے ڈچ ایسٹ انڈیا کمپنی کا پہلا جہاز واپس لوٹا۔

1685 - مغل خاندان کے عظیم الشان کے فرزند فرخ سیر کی پیدائش۔

1828 - راجہ رام موہن رائے کے برہمو سماج کے پہلے اجلاس کا کلکتہ (اب کولکاتا) میں اختتام ہوا۔

1897 - رونالڈ راس نے کلکتہ (اب کولکاتا) کے پریزیڈنسی جنرل اسپتال میں کام کے دوران ملیریا کا سبب بننے والے اینوفیلیز مچھر کی شناخت کی۔

1921 - کیرالہ کے مالابار علاقے میں موپلہ بغاوت کا آغاز ہوا۔

1944 - ہندوستان کے نویں وزیر اعظم راجیو گاندھی کی پیدائش۔

1979 - اس وقت کے وزیر اعظم چودھری چرن سنگھ نے عہدے کا حلف لینے کے محض 23 دنوں کے اندر استعفیٰ دے دیا۔

1988 - پاکستان کے صدر جنرل ضیاء الحق کا فضائی حادثے میں انتقال ہوا اور سینیٹ کے چیئرمین غلام اسحاق خان صدر بنے۔

1988 - ہندوستان اور نیپال میں 6.5 شدت کے زلزلے سے ایک ہزار افراد ہلاک ہوئے۔

2001 - اسپین میں ہندوستانی چیمپئن وشواناتھن آنند نے اسپین کے الیکسی شروف کو شکست دے کر ولاروڈیج شطرنج چیمپئن شپ کا خطاب جیتا۔

2002 - فلسطینی گوریلا کمانڈر ابو نضال مردہ ملے۔

2004 - فوربس میگزین نے دنیا کی بااثر ترین خواتین کی فہرست جاری کی۔ امریکہ کی کونڈولیزا رائس، چین کی وو یی اور ہندوستان کی سونیا گاندھی بالترتیب پہلے تین مقامات پر رہیں۔

2008 - ہندوستانی کلاسیکی موسیقی کی معروف فنکارہ ارونا سائی رام کو امریکہ میں خصوصی اعزاز سے نوازا گیا۔

2008 - کیمیکلز اور کھاد کے وزیر رام ولاس پاسوان نے کھاد کی صنعت کے لیے رواں مالی سال میں 22,000 کروڑ روپے کی اضافی سبسڈی کا اعلان کیا۔

2018 - افغان فورسز نے شمالی قندوز صوبے میں ایک آپریشن کر کے طالبان کے ذریعے چند گھنٹے قبل اغوا کیے گئے 149 افراد کو بازیاب کرایا۔

2018 - ہندوستان کی ونیش پھوگاٹ نے جکارتہ ایشیائی کھیلوں کے خواتین کے کشتی مقابلے کے 50 کلوگرام زمرے میں طلائی تمغہ جیتا۔ یہ کارنامہ انجام دینے والی وہ ملک کی پہلی خاتون پہلوان بنیں۔

ہندوستھان سماچار

---------------

ہندوستان سماچار / انظر حسن