کرکٹ کی تاریخ میں کئی سنسنی خیز اور یادگار مقابلے کھیلے گئے ہیں، لیکن انگلینڈ اور ویسٹ انڈیز کے درمیان سال 2000 میں لارڈز کے میدان پر کھیلا گیا ٹیسٹ میچ آج بھی اپنی منفرد کہانی کے لیے یاد کیا جاتا ہے۔ 17 اگست 2000 کو شروع ہونے والا یہ مقابلہ محض دو دن بعد، 18 اگست کو ختم ہوگیا تھا۔

عام طور پر ٹیسٹ کرکٹ پانچ دن تک جاری رہتی ہے اور دونوں ٹیموں کو دو، دو اننگز کھیلنے کا موقع ملتا ہے، لیکن اس مقابلے میں گیند بازوں کا ایسا غلبہ رہا کہ بلے باز زیادہ دیر تک کریز پر ٹک نہیں سکے۔

میچ کے پہلے دن مجموعی طور پر 9 وکٹیں گریں، تاہم اصل سنسنی دوسرے دن دیکھنے کو ملی۔ دوسرے دن بلے باز ایک کے بعد ایک پویلین لوٹتے رہے اور پورے دن میں مجموعی طور پر 31 وکٹیں گر گئیں۔ اس طرح صرف دو دن کے اندر ہی میچ کا فیصلہ ہوگیا۔

انگلینڈ نے انتہائی سنسنی خیز مقابلے میں ویسٹ انڈیز کو 2 وکٹوں سے شکست دے کر کامیابی حاصل کی۔ میچ میں گیند بازوں کی شاندار کارکردگی اور بلے بازوں کی جدوجہد نے اسے ٹیسٹ کرکٹ کے غیر معمولی مقابلوں میں شامل کر دیا۔

پانچ دن کے لیے مقرر کیا گیا ٹیسٹ میچ صرف دو دن میں ختم ہوجانا اس وقت کرکٹ شائقین کے لیے انتہائی حیران کن تھا۔ اس مقابلے نے یہ بھی ثابت کیا کہ ٹیسٹ کرکٹ کا ہر میچ پانچویں دن تک پہنچے، یہ ضروری نہیں۔ لارڈز میں کھیلا گیا یہ مقابلہ آج بھی مختصر ترین اور سنسنی خیز ٹیسٹ میچوں کی تاریخ میں خاص مقام رکھتا ہے۔

اہم واقعات

1800: لارڈ ویلزلی نے کلکتہ میں فورٹ ولیم کالج قائم کیا۔

1891: کیریبین جزیرے مارٹینیک میں سمندری طوفان سے تقریباً 700 افراد ہلاک ہوئے۔

1923: لندن میں خواتین کے لیے پہلی برطانوی ٹریک اینڈ فیلڈ چمپئن شپ منعقد ہوئی۔

1924: فرانس نے جرمنی سے اپنی فوجیں واپس بلانا شروع کیا۔

1940: پہلی مرتبہ موسم کا نقشہ ٹیلی ویژن پر نشر کیا گیا۔

1949: ہنگری نے اپنا آئین منظور کیا۔

1951: مغربی بنگال کے کھڑگپور میں انڈین انسٹی ٹیوٹ آف ٹیکنالوجی (آئی آئی ٹی( قائم کیا گیا۔

1973: امریکا کے شہر بوسٹن میں پہلے ایف ایم ریڈیو اسٹیشن کے قیام کی منظوری دی گئی۔

1982: سوویت یونین نے ایک خاتون خلا باز کو خلائی اسٹیشن ’سیلیوت-7‘ کے لیے روانہ کیا۔

1999: ترکی میں آنے والے زلزلے میں تقریباً 45 ہزار افراد ہلاک ہوئے۔

2000: انگلینڈ نے ویسٹ انڈیز کوٹیسٹ میچ میں صرف دو دن کے اندر شکست دے کر تاریخ رقم کی۔

2008: اتر پردیش میں مایاوتی حکومت نے چھٹے پے کمیشن کی سفارشات نافذ کرنے کا اعلان کیا۔

2008: پاکستان کے صدر پرویز مشرف نے مواخذے کے خدشے کے درمیان اپنے عہدے سے استعفیٰ دے دیا۔

2010: ٹی وی ایس الیکٹرانکس نے اپنے نئے کی بورڈ میں بھارتی روپے کا نشان شامل کیا۔

پیدائش

1700: باجی راؤ اول — مراٹھا سلطنت کے عظیم سپہ سالار اور بالاجی وشوناتھ کے بڑے بیٹے۔

1734: رگھوبا — پیشوا باجی راؤ اول کے دوسرے بیٹے اور ماہر فوجی کمانڈر۔

1773: مہاراجہ صاحب سنگھ — پٹیالہ ریاست کے مہاراجہ اور مہاراجہ امر سنگھ کے بیٹے و جانشین۔

1872: پنڈت وشنو دگمبر — مہاراشٹر کے معروف نابینا موسیقار۔

1900: وجے لکشمی پنڈت — بھارت کے پہلے وزیر اعظم جواہر لال نہرو کی بہن اور خاتون مجاہدِ آزادی۔

1923: اے بی تاراپورے — پرم ویر چکر سے سرفراز بھارتی فوجی۔

1934: گلزار — معروف نغمہ نگار، شاعر اور فلم ہدایت کار۔

1938: بی ایم ہیگڑے — معروف ماہر امراض قلب، استاد اور مصنف۔

1946: ارونا ایرانی — معروف اداکارہ۔

1959: نرملا سیتارمن — بھارتیہ جنتا پارٹی کی معروف خاتون رہنما اور مرکزی وزیرخزانہ۔

1967: دلیر مہندی — معروف گلوکار۔

1976: سنگیتا گھوش — اداکارہ۔

1980: پریتی جھنگیانی — اداکارہ۔

1985: گیتیکا جاکھڑ — بھارت کی معروف خاتون پہلوان۔

موت

1227: چنگیز خان — منگول فاتح۔

1945: سبھاش چندر بوس — عظیم مجاہدِ آزادی۔

1979: وسنت راؤ نائک — بھارتی نیشنل کانگریس کے سیاست داں

2018: کوفی عنان — اقوام متحدہ کے ساتویں سیکریٹری جنرل

2025: اچیوت پوتدار — معروف بھارتی کردار اداکار۔

ہندوستھان سماچار

ہندوستان سماچار / Mohammad Khan