سہارنپور، 16 اگست (ہ س)۔

اتر پردیش کے سہارنپور ضلع میں بہٹ تھانہ پولیس نے اتوار کو چیکنگ کے دوران غیر قانونی منشیات کی اسمگلنگ کرنے والے گروہ کے دو اسمگلروں کو گرفتار کیا ہے۔ ان کے قبضے سے چار کروڑ 10 لاکھ روپے مالیت کی چرس برآمد کی گئی ہے۔

پولیس سپرنٹنڈنٹ (دیہی) مینک پاٹھک نے پولیس لائن میں واقع نوین سبھا گار میں پریس کانفرنس کے دوران بتایا کہ بہٹ تھانہ انچارج تہوار کے پیش نظر گاڑیوں کی چیکنگ مہم چلا رہے تھے۔ اسی دوران گندیواڑ اڈے سے چلکانا روڈ جانے والے راستے سے دو نوجوانوں کو گرفتار کیا گیا۔ ان کی شناخت طالب اور امیت عرف انیت کے طور پر ہوئی ہے، جو سہارنپور کے ہی رہنے والے ہیں۔

ان کے قبضے سے 804 گرام غیر قانونی اسمیک، دو موبائل فون اور ایک چار پہیہ گاڑی برآمد کی گئی ہے۔ پولیس نے بتایا کہ ملزمان کے قبضے سے برآمد منشیات کی بین الاقوامی بازار میں قیمت چار کروڑ 10 لاکھ روپے ہے۔

پولیس کے مطابق گرفتار کیے گئے دونوں ملزمان اس سے قبل بھی جیل جا چکے ہیں۔ پولیس اب ان کے سابقہ مجرمانہ ریکارڈ اور منشیات کی اسمگلنگ سے وابستہ نیٹ ورک کی گہرائی سے تحقیقات کر رہی ہے۔

ہندوستھان سماچار

س

ہندوستان سماچار / عطاءاللہ