ایل جی نے لیہہ میں انڈور شوٹنگ رینج اور ملٹی پرپز ہال کا افتتاح کیا

جموں، 15 اگست (ہ س)۔ لداخ کے لیفٹیننٹ گورنر ونے کمار سکسینہ نے لیہہ میں انڈور شوٹنگ رینج اور ملٹی پرپز ہال کا افتتاح کیا۔ ان سہولیات کا مقصد پولیس اہلکاروں کی تربیت، جسمانی فٹنس اور پیشہ ورانہ صلاحیتوں کو مزید مضبوط بنانا ہے۔

ملٹی پرپز ہال میں بیڈمنٹن، ٹیبل ٹینس، ریسلنگ اور تائیکوانڈو سمیت مختلف انڈور کھیلوں کی سہولیات دستیاب ہوں گی۔ اس کے علاوہ یہ ہال پولیس اہلکاروں کے ان سروس ٹریننگ، ریفریشر کورسز اور پیشہ ورانہ تربیت کے لیے آل ویدر سہولت کے طور پر بھی استعمال کیا جائے گا۔

ایل جی سکسینہ نے کہا کہ ڈسٹرکٹ پولیس لائنز لیہہ میں قائم جدید انڈور شوٹنگ رینج لداخ شوٹنگ ایسوسی ایشن کے تعاون سے تیار کی گئی ہے، جہاں ماہر کوچز کی نگرانی میں پولیس اہلکاروں کے ساتھ ساتھ لداخ کے عوام کو بھی شوٹنگ کی باقاعدہ تربیت فراہم کی جائے گی۔

انہوں نے بتایا کہ اسی نوعیت کی ایک سہولت کرگل میں بھی تیار کی گئی ہے۔

لداخ کے مشکل موسمی حالات کے پیش نظر ایسی آل ویدر سہولیات پولیس اہلکاروں کی فٹنس، تربیت اور فلاح و بہبود کے لیے اہم سرمایہ کاری ہیں۔لیفٹیننٹ گورنر نے کہا کہ یہ سہولیات جدید، پیشہ ورانہ، ٹیکنالوجی سے لیس اور عوام دوست پولیس فورس کے عزم کی عکاسی کرتی ہیں، جبکہ نوجوانوں میں موجود صلاحیتوں کو بہتر مواقع فراہم کرنے میں بھی مددگار ثابت ہوں گی۔

ہندوستھان سماچار

--------------

ہندوستان سماچار / محمد اصغر