تہران، 9 جولائی (ہ س)۔

امریکہ نے مسلسل دوسری رات ایران پر زبردست حملہ کیا ہے۔ دعویٰ کیا گیا ہے کہ ایران کے کئی شہروں کو بھاری نقصان پہنچا ہے۔ امریکی حملے کے بعد ایران نے اس اتحادیوں کے خلاف فضائی حملے کرکے واشنگٹن کو براہ راست چیلنج کیا ہے۔ بحرین اور کویت میں کئی گھنٹوں تک حملے کی وارننگ سائرن بجتے رہے۔ قطر نے بھی میزائل اور ڈرون حملوں کی اطلاع دی۔ ایران پر حملے میں کم از کم ایک شخص مارا گیا۔ ایران کے سپریم لیڈر علی خامنہ ای کو آج مشہد میں سپرد خاک کیا جائے گا۔ دنیا اس جنازے کی تقریب کو دیکھ رہی ہے۔

الجزیرہ اور سی این این کی رپورٹوں کے مطابق ایرانی شہروں بوشہر، چابہار، بندر عباس، سرک، جاسک اور آبنائے ہرمز کے قریب ابو موسی جزیرہ میں رات گئے زور دار دھماکے ہوئے، جو کہ تنازع کا مرکز ہے۔ امریکی حملے میں کم از کم ایک شخص ہلاک ہوا۔ امریکی صدر ڈونالڈ ٹرمپ کا کہنا ہے کہ یہ حملے آبنائے ہرمز سے گزرنے والے جہازوں پر ایران کے حملوں کے بدلے میں کئے گئے ہیں ۔

ایران کے سپریم لیڈر علی خامنہ ای کو آج ان کے آبائی شہر مشہد میں سپرد خاک کیا جائے گا۔ اس سے قبل عراق کے شہروں نجف اور کربلا میں لاکھوں افراد نے ان کے جنازے میں شرکت کی۔ تہران نے حملے میں تباہ ہونے والے مرحوم ایرانی رہنما کے کمپاو¿نڈ کے ملبے کی فوٹیج جاری کی ہے۔ علی خامنہ ای 28 فروری کو امریکہ اور اسرائیل کے مشترکہ فوجی حملے میں شہیدہو گئے تھے۔ خامنہ ای کی آخری رسومات کا آج آخری دن ہے۔ پورا ایران سوگ میں ڈوبا ہوا ہے۔ مشہد میں تابوت کی تدفین کے بعد ایران میں 40 روزہ سوگ کا اعلان کیا جائے گا۔

قطر میں لوگوں سے کہا گیا کہ وہ گھر کے اندر رہیں، شیشے کی کھڑکیوں سے دور رہیں اور اگلا الرٹ جاری ہونے تک باہر جانے سے گریز کریں۔ تھوڑی دیر بعد ایک اور پیغام بھیجا گیا جس میں کہا گیا کہ خطرہ ٹل گیا ہے اور لوگ اپنے معمولات پر واپس آ سکتے ہیں۔ کویت میں صورتحال مختلف تھی۔ وزارت دفاع نے کچھ ڈرونز اور میزائلوں کو روکنے کی اطلاع دی، لیکن اہداف یا اثرات کے بارے میں کوئی خاص معلومات فراہم نہیں کیں۔ لوگوں کو ہوشیار رہنے کی تلقین کی گئی۔

بحرین میں وزارت داخلہ نے اسی طرح کا الرٹ بھیجا، لیکن اس نے یہ واضح نہیں کیا کہ آیا یہ حملہ ایران نے کیا تھا۔ دریں اثنا، خلیجی خطے کے ممالک نے ممکنہ جوابی حملوں کی تیاری شروع کر دی ہے۔ ایران کا کہنا ہے کہ وہ اپنی سرزمین پر حملوں کے ذرائع پر حملہ کر رہا ہے۔ ایرانی پارلیمنٹ کی قومی سلامتی کمیٹی کے ترجمان ابراہیم رضائی نے کہا کہ ملک کے سپریم لیڈر نے ایرانیوں کو سکھایا ہے کہ وہ امریکہ سے خوفزدہ نہ ہوں۔ انہوں نے امریکہ پر زور دیا کہ وہ ایک زبردست دھچکے کے لئے تیار رہے۔

امریکی صدر ٹرمپ نے ایئر فورس ون میں سوار صحافیوں کو بتایا کہ اگر ایران نے حملہ کیا تو امریکی فوج 20 گنا زیادہ طاقت سے حملہ کرے گی۔ انہوں نے کہا کہ ایران کی تباہی کے دن آچکے ہیں۔ وائٹ ہاو¿س کی سب سے اہم ترجیح یہ یقینی بنانا ہے کہ آبنائے ہرمز کھلا رہے۔ امریکی نائب صدر جے ڈی وینس نے بدھ کے روز ملواکی میں کہا کہ ایران نے ایم او یو کی خلاف ورزی کی ہے اور اس کی قیمت چکانا پڑے گی۔ انہوں نے کہا کہ امریکی فوجی جوابی کارروائی جاری رہے گی۔

ہندوستھان سماچار

ہندوستان سماچار / عطاءاللہ