دمشق،07جولائی(ہ س)۔فرانسیسی صدر ایمانوئل میکرون نے پیر کی شام شام پہنچنے کے بعد اپنے شامی ہم منصب احمد الشرع کے ہمراہ دمشق کی مشہور جامع اموی کا دورہ کیا۔میکرون کا یہ دورہ 2024 کے آخر میں احمد الشرع کے اقتدار سنبھالنے کے بعد کسی بڑے مغربی ملک کے سربراہِ مملکت کا شام کا پہلا دورہ ہے۔دمشق کے قدیم شہر میں ایک ریسٹورنٹ میں عشائیے کے بعد دونوں صدور جامع اموی پہنچے اور اس کے صحن کا دورہ کیا۔مسجد میں دونوں رہنماوں نے حضرت یحییٰ علیہ السلام کے مزار کی زیارت کی، قرآنِ کریم کے ایک بڑے نسخے کا مشاہدہ کیا اور مہمانوں کی کتاب میں اپنے تاثرات درج کیے۔احمد الشرع نے بھی اسی جامع اموی کا دورہ 9 دسمبر 2024 کو کیا تھا، بشار الاسد کی حکومت کے خاتمے کے ایک روز بعد جہاں انہوں نے ایک خطاب میں فتح کا جشن منایا تھا۔فرانسیسی صدر میکرون پیر کی شام اپنے شامی ہم منصب کے ساتھ غیر رسمی بات چیت کریں گے، جبکہ آج دونوں رہنماوں کے درمیان باضابطہ مذاکرات ہوں گے، جس کے بعد مشترکہ پریس کانفرنس متوقع ہے۔یہ بات فرانسیسی صدر کے قریبی ذرائع نے بتائی۔فرانس نے سکیورٹی وجوہات کی بنا پر غالباً میکرون کے دورہ شام کا اعلان ان کے طیارے کے اترنے تک نہیں کیا۔اس وقت شام 13 سالہ خونریز خانہ جنگی کے بعد امن و استحکام قائم کرنے کی کوششوں کے دوران اب بھی کئی چیلنجز کا سامنا کر رہا ہے۔

ہندوستھان سماچار

ہندوستان سماچار / Mohammad Khan