جموں، 04 جولائی (ہ س)۔ ضلع راجوری کی تحصیل خواس کے دور افتادہ گاؤں نرلہ میں جمعہ کی شام ایک افسوسناک واقعہ پیش آیا، جہاں ایک قبائلی خاندان کا مویشی خانہ اچانک منہدم ہو گیا، جس کے نتیجے میں پانچ پالتو مویشی ہلاک ہو گئے۔ ذرائع کے مطابق نرلہ خواس کے رہائشی عبد القیوم ولد میر حسین کا مویشی خانہ اچانک گر گیا، جس کے باعث اس میں بند پانچ پالتو جانور ملبے تلے دب گئے اور موقع پر ہی ہلاک ہو گئے۔

واقعے کے فوراً بعد مقامی افراد جائے وقوعہ پر پہنچے اور مویشیوں کو بچانے کی کوشش کی، تاہم تمام جانور ہلاک ہو چکے تھے۔

اس حادثے سے متاثرہ قبائلی خاندان کو بھاری مالی نقصان پہنچا ہے۔ مقامی لوگوں نے انتظامیہ سے مطالبہ کیا ہے کہ متاثرہ خاندان کو فوری مالی امداد اور مناسب معاوضہ فراہم کیا جائے۔

ہندوستھان سماچار

---------------

ہندوستان سماچار / محمد اصغر