مہوبہ، 26 جولائی (ہ س)۔ اتر پردیش میں مہوبہ ضلع کے پنواڑی تھانہ علاقے کے گاوں بجراری میں شراب کے نشہ میں دھت ایک شخص نے اپنی آٹھ ماہ کی حاملہ بیوی پر درانتی سے حملہ کر کے بچوں کے سامنے اسے قتل کر دیا۔ واقعے کے بعد ملزمان نے پولیس کو گمراہ کرتے ہوئے نامعلوم شخص پر قتل کا الزام لگایا تاہم ملزم کے بیٹے نے پولیس کے سامنے اپنے والد کی کرتوت بے نقاب کردی۔ پولیس نے ملزم شوہر کو حراست میں لے کر مقدمہ درج کر کے مزید کارروائی شروع کر دی۔

حنیف اپنی بیوی منیشا منصوری (25) اور دو بچوں کے ساتھ ضلع کے پنواڑی علاقے کے بجراری گاو¿ں میں رہتا تھا۔ ہفتہ کی دیر رات وہ بہت زیادہ نشے میں گھر پہنچا اور اپنی بیوی سے جھگڑنے لگا۔ منیشا نے احتجاج کیا تو مشتعل حنیف نے غصے میں آکر اپنی حاملہ بیوی کے سر اور گردن پر تیز درانتی سے وار کیا۔

جرم کا ارتکاب کرنے کے بعد ملزم نے خود پولیس کو فون کیا اور اطلاع دیکر پولیس کوگمراہ کرنے کی کوشش کی۔ تاہم ان کے 5 سالہ بیٹے نے اپنے والد کے قتل کا راز کھول دیا۔ واقعہ سے علاقہ میں سنسنی پھیل گئی ہے۔

کولپہاڑ کے سرکل آفیسر انورودھا کمار نے اتوار کو بتایا کہ ملزم نے اپنی بیوی کے قتل کی اطلاع دینے کے لیے 112 پر کال کی۔ تفتیش میں معلوم ہوا کہ اس نے اسے تیز دھار ہتھیار سے قتل کیا تھا۔ پنچنامہ (انکوائری رپورٹ) درج کر لیا گیا ہے اور پوسٹ مارٹم کی جانچ جاری ہے۔ ملزم کو حراست میں لے کر پوچھ گچھ کی جا رہی ہے۔

ہندوستھان سماچار

---------------

ہندوستان سماچار / عبدالسلام صدیقی