نئی دہلی، 26 جولائی (ہ س): وزیر اعظم نریندر مودی نے 'من کی بات' پروگرام میں سائنس، اختراع، کھیلوں اور قومی سلامتی کے شعبوں میں ہندوستان کی کامیابیوں کا ذکر کیا اور کارگل وجے دیوس پر بہادر فوجیوں کی ہمت اور قربانی کو سلام پیش کیا۔

من کی بات کی 136 ویں قسط میں وزیر اعظم نے وکرم-1 کے کامیاب آغاز اور بین الاقوامی سائنس اولمپیاڈ میں ہندوستانی طلبہ کی شاندار کارکردگی کی تعریف کی۔ انہوں نے کھیلوں میں ہندوستانی کھلاڑیوں کی کامیابیوں کو ملک کے لیے متاثر کن قرار دیا۔ انہوں نے کیرالہ میں سنسکرت کی تعلیم کو فٹ بال کے ساتھ جوڑنے کے منفرد اقدام کا ذکر کیا۔

وزیر اعظم نے کہا کہ ہندوستان دفاعی شعبے میں خود کفیل بن کر ایک عالمی دفاعی شراکت دار کے طور پر ابھر رہا ہے۔ انہوں نے 'کیچ دی رین' مہم میں بڑھتی ہوئی عوامی شرکت کی بھی تعریف کی۔

وزیر اعظم نے کہا کہ اتر پردیش میں ایک سیلف ہیلپ گروپ کی خواتین کی تیار کردہ ہربل چائے خود انحصاری کی علامت بنتی جا رہی ہے۔ انہوں نے ملک بھر میں قدرت کے تحفظ اور حیاتیاتی تنوع کو بچانے کے لیے لوگوں کی اجتماعی شرکت اور متاثر کن کوششوں کی بھی ستائش کی۔

ہندوستھان سماچار

--------

ہندوستان سماچار / عبدالواحد