مدورائی، 18 جولائی (ہ س)۔ مرکزی وزیر خزانہ نرملا سیتا رمن نے ہفتہ کو کہا کہ ہندوستان دنیا کی سب سے تیزی سے ترقی کرنے والی معیشت ہے اور جلد ہی عالمی ترقی کا چھٹے حصہ بن جائے گا۔ انہوں نے نوجوانوں اور کاروباری افراد پر زور دیا کہ وہ خطرہ مول لیں اور عالمی ترقی کے ایک چوتھائی حصے میں اس شراکت کو بڑھا ئیں۔

سیتا رمن نے یہ بات مدورائی، تمل ناڈو میں منعقدہ ینگ انڈینز فنانشل انڈیپنڈنس (وائی آئی ایف آئی) سمٹ 2026 کے خصوصی اجلاس سے خطاب کرتے ہوئے کہی۔ سیتا رمن نے کہا کپ ہندوستان آج دنیا کی سب سے تیزی سے ترقی کرنے والی بڑی معیشت ہے۔ اور آنے والے سالوں میں عالمی ترقی میں ہمارا حصہ تقریباً چھٹا حصہ ہو گا۔

سیتا رمن نے کہا کہ ہندوستان کا اسٹارٹ اپ ایکو سسٹم اب دنیا میں تیسرا سب سے بڑا ہے۔ انہوں نے تاجروں پر زور دیا کہ وہ خطرات مول لیں اور مواقع سے فائدہ اٹھائیں۔ وزیر خزانہ نے کہا کہ ہمارے پاس دنیا کی سب سے کم عمر افرادی قوت ہے۔ ’محکمہ فروغ صنعت اور اندرونی تجارت (ڈی پی آئی آئی ٹی) کے ذریعہ تسلیم شدہ 2.4 لاکھ سے زیادہ اسٹارٹ اپس نے مل کر 23 لاکھ سے زیادہ براہ راست ملازمتیں پیدا کی ہیں۔

انہوں نے کہا، ’ہمارے پاس 2,100 سے زیادہ عالمی قابلیت کے مراکز (جی سی سیز) ہیں، جو میٹرو شہروں سے آگے بڑھ چکے ہیں۔‘’نرملا سیتارمن نے مزید کہا کہ ہمارا ڈیجیٹل پبلک انفراسٹرکچر ایک بین الاقوامی معیار بن گیا ہے۔ یو پی آئی ہر ماہ 20 بلین سے زیادہ لین دین کرتا ہے۔ کاروباری ہندوستانیوں کے لیے بھی نئے مواقع ابھر رہے ہیں، اور وہ رکاوٹیں جو کبھی ہنر اور مواقع کے درمیان کھڑی تھیں آہستہ آہستہ کم ہوتی جا رہی ہیں۔

ہندوستھان سماچار

ہندوستان سماچار / Mohammad Khan