نئی دہلی، 10 جولائی (ہ س):۔

آن لائن انشورنس پلیٹ فارم پالیسی بازار نے تجربہ کار اداکار امیتابھ بچن کو اپنا برانڈ ایمبیسیڈر مقرر کرنے کا اعلان کیا۔ کمپنی نے ہیلتھ اور ٹرم انشورنس کے بارے میں بیداری پیدا کرنے کے لیے ایک مہم بھی شروع کی ہے۔

پالیسی بازار نے جمعہ کو بتایا کہ یہ بیداری مہم انشورنس ریگولیٹری اینڈ ڈیولپمنٹ اتھارٹی آف انڈیا (آئی آر ڈی اے آئی) کے 2047 تک سب کے لیے بیمہ کے ہدف کے مطابق ہے۔ یہ ملک بھر کے خاندانوں کو مالی تحفظ کو ترجیح دینے اور اپنے مستقبل کو محفوظ بنانے کی ترغیب دے گی۔ کمپنی نے کہا کہ امیتابھ بچن نسلوں سے ہندوستانی خاندانوں میں اعتماد، ذمہ داری اور یقین دہانی کی علامت رہے ہیں۔ پالیسی بازار کے مطابق، اس کی فیملی فرسٹ مہم صرف ایک نعرہ نہیں ہے، بلکہ 1.4 بلین ہندوستانیوں کے لیے ایک پہل ہے۔ کمپنی اس خیال کو اشتہارات کی ایک سیریز کے ذریعے فروغ دے گی۔

انشورنس پلیٹ فارم پالیسی بازار ملک کا سب سے بڑا آن لائن انشورنس ایگریگیٹر ہے، جس کی بنیاد 2008 میں رکھی گئی تھی۔ یہ ایک ڈیجیٹل پلیٹ فارم ہے جو صارفین کو معروف انشورنس کمپنیوں سے صحت، ٹرم، موٹر (گاڑی) اور ٹریول انشورنس پالیسیوں کا موازنہ کرنے اور براہ راست خریدنے کی اجازت دیتا ہے۔

ہندوستھان سماچار

ہندوستان سماچار / عطاءاللہ