نئی دہلی/ممبئی، 3 جون (ہ س)۔ ریزرو بینک آف انڈیا (آر بی آئی) کی مانیٹری پالیسی کمیٹی (ایم پی سی) نے بدھ کو اپنی تین روزہ دو ماہی جائزہ میٹنگ شروع کی۔ ریزرو بینک کے گورنر سنجے ملہوترا جمعہ 5 جون کو ایم پی سی کے فیصلوں کا اعلان کریں گے۔ ماہرین کا خیال ہے کہ عالمی غیر یقینی صورتحال کے باعث مرکزی بینک پالیسی ریٹ، ریپو ریٹ میں کوئی تبدیلی نہیں کرے گا۔

آر بی آئی کی چھ رکنی مانیٹری پالیسی کمیٹی (ایم پی سی) کا تین روزہ جائزہ اجلاس 3 سے 5 جون تک آر بی آئی گورنر سنجے ملہوترا کی صدارت میںمنعقد ہو گی۔ آر بی آئی کے گورنر سنجے ملہوترا 5 جون کو ایم پی سی جائزہ اجلاس میں لیے گئے پالیسی فیصلوں کا اعلان کریں گے۔

ماہرین کے مطابق، مغربی ایشیا کے بحران اور جغرافیائی سیاسی کشیدگی، افراط زر کے خدشات اور روپے پر دباو کی وجہ سے آر بی آئی اس بار اپنی پالیسی جائزہ میٹنگ میں ریپو ریٹ کو 5.25 فیصد پر برقرار رکھ سکتا ہے۔ اس دوران، اقتصادی ماہرین کا کہنا ہے کہ اس بار ایم پی سی سے ریپو ریٹ میں کوئی تبدیلی متوقع نہیں ہے۔ تاہم، ان کا ماننا ہے کہ توانائی کی بڑھتی ہوئی قیمتوں، کمزور ہوتا ہوا روپیہ اور سپلائی چین میں رکاوٹوں کی وجہ سے، آر بی آئی اپنی افراط زر کی پیشن گوئی کو بڑھا سکتا ہے۔

قابل ذکر ہے کہ اپریل کی مانیٹری جائزہ میٹنگ میں، آر بی آئی نے توانائی کی فراہمی، افراط زر اور اقتصادی ترقی پر مغربی ایشیا کے بحران کے اثرات کا جائزہ لینے کے لیے 'انتظار کرو اور دیکھو' کا طریقہ اپناتے ہوئے پالیسی سود کی شرح ریپو ریٹ کو 5.25 فیصد پر برقرار رکھا تھا۔

---------------

ہندوستان سماچار / عبدالسلام صدیقی