راجوری کے گمبھیر مغلاں علاقے میں آپریشن شیروالی 34 ویں روز میں داخل

جموں، 25 جون (ہ س)۔ ضلع راجوری کے گمبیر مغلاں سیکٹر کے دوریمیل جنگلات میں جاری انسدادِ دہشت گردی مہم ’آپریشن شیروالی‘ جمعرات کو 34ویں روز بھی جاری رہی۔ سیکورٹی فورسز نے علاقے میں بڑے پیمانے پر تلاشی اور نگرانی کا عمل جاری رکھا ہوا ہے۔ حکام کے مطابق جموں و کشمیر پولیس، فوج اور دیگر سیکورٹی ایجنسیاں مشترکہ طور پر آپریشن میں حصہ لے رہی ہیں۔ فورسز جنگلاتی اور پہاڑی علاقوں میں سرچ آپریشن چلا رہی ہیں جبکہ علاقے میں سخت سیکورٹی انتظامات بھی نافذ ہیں۔

ذرائع نے بتایا کہ تمام متعلقہ ایجنسیاں باہمی تال میل کے ساتھ کارروائی کو آگے بڑھا رہی ہیں اور علاقے پر مسلسل نظر رکھی جا رہی ہے۔ حکام کا کہنا ہے کہ آپریشن اس وقت تک جاری رہے گا جب تک پورے علاقے کو مکمل طور پر محفوظ قرار نہیں دیا جاتا۔

واضح رہے کہ آپریشن شیروالی مئی کے آخر میں شروع کیا گیا تھا، جس کا مقصد دوریمیل اور گمبیر مغلاں کے گھنے جنگلات میں موجود دہشت گرد عناصر کا سراغ لگا کر انہیں بے اثر بنانا ہے۔ سیکورٹی فورسز کا کہنا ہے کہ راجوری میں امن و امان کے قیام اور سرحدی علاقوں کی حفاظت کے لیے کارروائی پوری شدت کے ساتھ جاری رہے گی۔

ہندوستھان سماچار

---------------

ہندوستان سماچار / محمد اصغر