اگرتلہ، 3 مئی (ہ س)۔ تریپورہ حکومت نے مختلف محکموں میں 107 نئی آسامیاں بنانے اور بھرنے کی منظوری دی ہے۔ اس نے دوسری جنگ عظیم کے سابق فوجیوں کی بیواوں کے لیے ماہانہ دیکھ بھال کے الاونس میں بھی اضافہ کیا اور ڈیوٹی کے دوران شہید ہونے والے سی اے پی ایف اہلکاروں کے زیر کفالت بچوں کے لیے ایک فلاحی اسکیم کی منظوری دی۔

وزیراعلیٰ مانک ساہا کی صدارت میں ہوئی میٹنگ کے بعد ہفتہ کی رات میڈیا کو بریفنگ دیتے ہوئے کابینہ کے ترجمان سوشانتا چودھری نے کہا کہ وزراءکی کونسل نے تقرری اور سماجی بہبود سے متعلق کئی تجاویز کو منظوری دی ہے۔ انہوں نے مزید کہا کہ کابینہ نے الیکشن ڈیپارٹمنٹ میں 15 خالی اسامیوں کو پر کرنے کی منظوری دی۔ ان میں گروپ سی کے تحت 11 لوئر ڈویڑن کلرک (ایل ڈی سی) کی پوزیشنیں اور گروپ ڈی کے تحت چار ملٹی ٹاسکنگ اسٹاف کی پوزیشنیں شامل ہیں۔

ایل ڈی سی کی چھ اسامیوں کو براہ راست بھرتی اور پانچ پروموشن کے ذریعے پر کیا جائے گا، جب کہ گروپ ڈی کی تمام آسامیاں براہ راست تقرری کے ذریعے پ±ر کی جائیں گی۔ فلاحی اقدام کے طور پر، کابینہ نے دوسری جنگ عظیم کے سابق فوجیوں کی 12 بیواو¿ں کے لیے ماہانہ دیکھ بھال کے الاونس کو 10,000 سے بڑھا کر 15,000 کرنے کا فیصلہ کیا۔ انہوں نے کہا کہ اس الاونس پر آخری بار 2019 میں نظر ثانی کی گئی تھی۔

حکومت نے ڈیوٹی کے دوران شہید ہونے والے سینٹرل آرمڈ پولیس فورس (سی اے پی ایف) اہلکاروں کے 18 سال سے زیادہ عمر کے غیر شادی شدہ بیٹوں اور بیٹیوں کے لیے 2,000 روپے کی ماہانہ مالی امداد کی بھی منظوری دی ہے۔

---------------

ہندوستان سماچار / عبدالسلام صدیقی