ضلع انتظامیہ نے سوشل میڈیا کے غلط استعمال کرنے والوں کے خلاف سخت احکامات جاری کیے

جموں، 18 اپریل (ہ س)۔ ضلع انتظامیہ ڈوڈہ نے سوشل میڈیا کے غلط استعمال پر قابو پانے کے لیے بڑا قدم اٹھاتے ہوئے بھارتیہ نیائے سنہتا کی دفعہ 163 کے تحت ایک حکم نامہ جاری کیا ہے۔ حکام کے مطابق یہ اقدام اشتعال انگیز، جھوٹی اور نفرت انگیز مواد کی ترسیل کو روکنے کے مقصد سے کیا گیا ہے، تاکہ امن و امان اور فرقہ وارانہ ہم آہنگی کو برقرار رکھا جا سکے۔

انتظامیہ نے عوام سے اپیل کی ہے کہ وہ سوشل میڈیا پر کسی بھی خبر یا معلومات کو شیئر کرنے سے قبل اس کی تصدیق ضرور کریں اور افواہوں سے مکمل اجتناب کریں۔ بیان میں مزید کہا گیا ہے کہ حکم نامے کی خلاف ورزی کرنے والوں کے خلاف قانون کے مطابق سخت کارروائی عمل میں لائی جائے گی۔

ہندوستھان سماچار

--------------

ہندوستان سماچار / محمد اصغر