لداخ، 18 اپریل (ہ س)۔

لداخ انتظامیہ نے ضلع کرگل کو ملک کے ایک اہم ونٹر ٹورازم مرکز کے طور پر فروغ دینے کے لیے اقدامات شروع کر دیے ہیں اور اس مقصد کے تحت نجی سرمایہ کاروں و اداروں سے تجاویز طلب کی ہیں۔حکام کے مطابق کرگل اور دراس میں سرمائی سیاحت کے وسیع امکانات موجود ہیں، جنہیں مدنظر رکھتے ہوئے اسکیئنگ، سنو بورڈنگ اور دیگر ونٹر اسپورٹس کے لیے عالمی معیار کا انفراسٹرکچر قائم کرنے کی منصوبہ بندی کی جا رہی ہے۔ اس سلسلے میں اسکی لفٹس، گنڈولا، روپ وے، اسنو موبائل سسٹم اور دیگر سہولیات کی ترقی شامل ہے۔انتظامیہ نے اسکی ریزورٹ ڈیولپرز، ایڈونچر ٹور آپریٹرز، ہوٹل گروپس اور انفراسٹرکچر کمپنیوں سے کہا ہے کہ وہ اپنے تجربے، تکنیکی مہارت اور منصوبہ جاتی تفصیلات پیش کریں۔ حکام نے واضح کیا ہے کہ فی الحال یہ عمل صرف دلچسپی معلوم کرنے کے لیے ہے، اسے ٹینڈر تصور نہ کیا جائے۔

ادھر زوجیلا ٹنل کی تکمیل کے بعد کرگل تک رسائی آسان ہو جائے گی، جس سے سیاحوں کی آمد میں اضافہ متوقع ہے۔ حکام کے مطابق 2028 تک ٹنل کو سال بھر ٹریفک کے لیے کھولنے کا ہدف مقرر کیا گیا ہے۔لداخ سیاحت محکمہ کے ایک سینئر افسر نے بتایا کہ یہ قدم خطے میں سیاحت کو فروغ دینے کی طویل مدتی حکمت عملی کا حصہ ہے، جس کے تحت کرگل اور دراس کو عالمی سطح کے ونٹر اسپورٹس ڈیسٹینیشن کے طور پر ابھارا جائے گا۔

ہندوستھان سماچار

ہندوستان سماچار / محمد اصغر