اسلام آباد، 13 اپریل (ہ س)۔ پاکستان کے وزیر اعظم شہباز شریف جلد سعودی عرب کا دورہ کریں گے۔ وہ سعودی ولی عہد شہزادہ محمد بن سلمان کے ساتھ اہم علاقائی اور عالمی امور پر بات چیت کریں گے۔ شہباز شریف کے دورے کا بنیادی مقصد ،ایران اور امریکہ کے درمیان صلح کو فروغ دینے کے نئے طریقوں پر تبادلہ خیال کرنا ہے۔
دنیا نیوز کے مطابق، ذرائع نے بتایا کہ بات چیت کا بنیادی محور مغربی ایشیا میں تبدیل ہوتی صورحال ہوگی ۔ بالخصوص امریکہ اور ایران کے درمیان جاری مذاکرات کا مستقبل اور علاقائی کشیدگی کو کم کرنے کے لیے کی جارہی وسیع تر کوششیں ہوں گی۔ خطے میں مستقل جنگ بندی اور طویل مدتی امن سے متعلق امور بھی شریف کے ایجنڈے پر ہونے کا امکان ہے۔
توقع ہے کہ پاکستان اور سعودی عرب دو طرفہ تعلقات کا جائزہ لیں گے اور علاقائی امن و استحکام کے لیے تعاون بڑھانے اور مشترکہ سفارتی کوششوں کے امکانات تلاش کریں گے۔ سعودی عرب کے دورے کے بعد وزیراعظم نواز شریف کا ترکیہ کا دورہ بھی متوقع ہے۔
دریں اثنا، پاکستان کے نائب وزیر اعظم اور وزیر خارجہ سینیٹر محمد اسحاق ڈار نے ترکیہ کے وزیر خارجہ ہاکان فیدان اور مصر کے وزیر خارجہ بدر عبدالعاطی سے الگ الگ ٹیلی فون پر بات چیت کی اور انہیں اسلام آباد مذاکرات سے متعلق پیش رفت سے آگاہ کیا۔
ہندوستھان سماچار
ہندوستان سماچار / محمد شہزاد
