حیدرآباد،28 مارچ (ہ س)۔ وزیراعلی ریونت ریڈی نے رام نومی کے موقع پر بھدراچلم مندر میں خصوصی پوجا کی اور 351 کروڑ کے مندر ترقیاتی کاموں کا سنگ بنیاد رکھا ۔ ترقیاتی منصوبہ کے تحت مندر کے توسیعی کام اور گوداوری گھاٹ کی ترقی پر 75 کروڑ خرچ کئے جائیں گے ۔ 180 کروڑ سے انفراسٹرکچر سہولتوں کو ترقی دی جائے گی اور 96 کروڑ مندر کے اطراف کے علاقوں کی ترقی پر خرچ کئے جائیں گے ۔ نائب وزیراعلی بھٹی وکرمارکا ، ریاستی وزراء کنڈا سریکھا ، پی سرینواس ریڈی ، پی ناگیشور راؤ ، وی سری ہری کے علاوہ ارکان پارلیمنٹ و اسمبلی اس موقع پر موجود تھے۔ وزیراعلی نے اپنی اہلیہ کے ہمراہ مندر میں خصوصی پوجا کی اور کپڑوں کا تحفہ پیش کیا۔

ہندوستھان سماچار

ہندوستان سماچار / محمدعبدالخالق