وزیر اعلیٰ کے ہاتھوں منچیروولا میں مندر کی تعمیر نو کا سنگِ بنیادحیدرآباد، 28 مارچ (ہ س)۔ تلنگانہ کے وزیر اعلیٰ اے ریونت ریڈی نے ہفتہ کے روز شہر کے نواحی علاقے گنڈی پیٹ کے قریب منچیروولا میں موسی ندی کے کنارے ماچیلیشورا سوامی اور اومکاریشورا سوامی مندروں کی تعمیر نو کے لیے سنگِ بنیاد رکھا۔ سنگِ بنیاد کی تقریب ویدک منتر وچار کے ساتھ منعقد ہوئی۔ اس تقریب سے خطاب کرتے ہوئے وزیر اعلیٰ تلنگانہ نے اس تعمیر نو کو ایک تاریخی موقع قراردیا اور کہا کہ یہ کام اوپر والے کےارادے کے تحت کیا جا رہا ہے، نہ کہ محض ایک عام ترقیاتی پروگرام کے طور پر۔ انہوں نے کہا کہ ریاستی حکومت آٹھ ایکڑ رقبے پر تقریباً 700 کروڑ روپے کی لاگت سے مندروں کو ترقی دے گی۔ انہوں نے اس بات پر زور دیا کہ اس خطے کی تاریخ تقریباً 1400 سال پرانی ہے۔ یہ اقدام آئندہ نسلوں کے لیے ورثے کو محفوظ رکھنے کے مقصد سے کیا جا رہا ہے۔ اس موقع پر نائب وزیر اعلیٰ بھٹی وکرمارکا، چیف سکریٹری رام کرشنا راؤ، ڈی جی پی شیوادھر ریڈی، ارکان پارلیمنٹ، ارکان اسمبلی، ارکان قانون ساز کونسل اور دیگر سینئر حکام موجود تھے۔

ہندوستھان سماچار

ہندوستان سماچار / محمدعبدالخالق