ضلع میں آنگن واڑی ورکرس اور معاونین کی بھرتی مکمل، 30 مارچ کو تقرری نامے تقسیم ہوں گے

علی گڑھ، 28 مارچ (ہ س)۔ ریاست کے وزیر اعلیٰ یوگی آدتیہ ناتھ 30 مارچ کو صبح 11 بجے لکھنؤ کے لوک بھون میں نو منتخب آنگن واڑی ورکرس اور آنگن واڑی معاونین کو تقرری نامے تقسیم کریں گے۔ اس پروگرام کی کلکٹریٹ سبھاگار میں براہ راست نشریات کی جائیں گی، جہاں مقامی عوامی نمائندوں کی موجودگی میں منتخب امیدواروں کو بھی تقرری نامے دیے جائیں گے۔

چیف ڈیولپمنٹ آفیسر یوگیندر کمار نے بتایا کہ ضلع میں دسمبر سے جاری آنگن واڑی ورکرس اور معاونین کی خالی آسامیوں پر بھرتی کا عمل مکمل کر لیا گیا ہے۔ ہفتہ کے روز وکاس بھون سمیت تمام بال وکاس پروجیکٹس میں منتخب امیدواروں کی فہرست چسپاں کر دی گئی ہے۔ ضلع پروگرام افسر کرشن کانت رائے کے مطابق دسمبر میں آنگن واڑی ورکرس کے 23 اور معاونین کے 907 خالی عہدوں پر بھرتی کا عمل شروع کیا گیا تھا۔ ہفتہ کے روز اس عمل کو شفاف اور منصفانہ طریقے سے مکمل کرتے ہوئے 13 آنگن واڑی ورکرس اور 743 معاونین کا انتخاب کیا گیا۔

انہوں نے بتایا کہ انتخاب کے عمل میں گاؤں پنچایت کی بنیاد پر ترجیح دی گئی، جس میں غربت کی لکیر سے نیچے رہنے والی بیوہ، مطلقہ یا ترک شدہ خواتین کو فوقیت دی گئی۔ اس کے علاوہ تعلیمی قابلیت (انٹرمیڈیٹ، گریجویشن اور پوسٹ گریجویشن) میں حاصل نمبروں کی بنیاد پر میرٹ تیار کر کے تقرری عمل مکمل کیا گیا۔

---------------

ہندوستان سماچار / سید کامران علی گڑھ