بجنور، 18 مارچ (ہ س) ۔قومی کمیشن برائے انسانی حقوق نے نجیب آباد ریلوے کراسنگ پر بنے فلائی اوور برج پر سیڑھیاں نہ تعمیر کرنے پر کارروائی کا انتباہ دیا ہے۔ آدرش نگر کے رہائشی آر ٹی آئی کارکن منوج شرما نے گزشتہ سال قومی کمیشن برائے انسانی حقوق کو اتر پردیش سیتو نگم کی جانب سے فنڈز کی دستیابی کے باوجود ریلوے کراسنگ نمبر 480 اور 484 پر پل کی تعمیر نہ کرنے کے بارے میں بتایا تھا، جس پر کمیشن نے پہلے متعلقہ محکمے کو نوٹس جاری کیا لیکن محکمہ نے اس سلسلے میں کمیشن کو کوئی جواب نہیں دیا۔

انسانی حقوق کمیشن نے اب حکم دیا ہے کہ اتر پردیش اسٹیٹ برج کارپوریشن کے چیف سکریٹری کو ایک آخری آن لائن یاد دہانی جاری کی جائے، جس میں ان سے چار ہفتوں کے اندر اندر کمیشن کو ضروری کارروائی کی رپورٹ پیش کرنے کے لئےکہا جائے ۔ ایسا نہ کرنے پرقومی کمیشن برائے انسانی حقوق کے تحفظ کے ایکٹ 1993 کی دفعہ 13 کو لاگو کرنے پر مجبور ہوگا۔ کیونکہ عوام کو ایک سرے سے دوسرے سرے تک جانے کے لیے ریلوے لائن کو عبور کرنا پڑتا ہے۔

ہندوستھان سماچار

ہندوستان سماچار / محمد شہزاد