مہاراشٹر میں لڑکیوں کی تعلیم کے لیے وسیع اقدامات، وزیر داداجی بھوسے کا بیانممبئی، 18 مارچ (ہ س)۔ مہاراشٹر حکومت نے لڑکیوں کی تعلیم کو فروغ دینے کے لیے متعدد اسکیمیں نافذ کی ہیں، جن کا مقصد اسکولوں میں حاضری بڑھانا اور تعلیم چھوڑنے کی شرح کو کم کرنا ہے۔ یہ بات وزیر تعلیم داداجی بھوسے نے قانون ساز کونسل میں کہی۔ انہوں نے کہا کہ 1992 میں شروع کی گئی “حاضری بھتہ” اسکیم کو مزید مؤثر بنانے کے لیے نئی اسکیموں کے ساتھ مربوط کیا گیا ہے، تاکہ زیادہ سے زیادہ طالبات کو فائدہ پہنچ سکے۔اس اسکیم کے تحت ابتدائی جماعتوں میں زیر تعلیم قبائلی اور درج فہرست ذات و قبائل سے تعلق رکھنے والی غریب طالبات کو 75 فیصد حاضری کی بنیاد پر مالی مدد دی جاتی تھی، جس کی سالانہ حد 220 روپے تھی۔ وزیر نے بتایا کہ 13 مئی 2022 سے اس اسکیم کو ضلع سطح پر منتقل کر دیا گیا ہے اور اب اس کا نفاذ ضلع منصوبہ کمیٹی کے ذریعے کیا جا رہا ہے۔انہوں نے مزید کہا کہ طالبات کے لیے دوپہر کے کھانے، مفت کتابیں، یونیفارم، سائیکل اور بارہویں جماعت تک مفت تعلیم جیسی سہولیات فراہم کی جا رہی ہیں۔ اس کے ساتھ ہی اسکولوں میں سی سی ٹی وی، خواتین اساتذہ کی تقرری، علیحدہ اور صاف بیت الخلا اور لڑکیوں کے لیے “پنک روم” جیسی سہولیات بھی فراہم کرنے کا منصوبہ جاری ہے۔ وزیر کے مطابق تعلیم کے لیے مختص بجٹ میں بھی اضافہ کیا جا رہاہندوستھان سماچار--------------------

ہندوستان سماچار / جاوید این اے