وزیرآباد، یکم فروری(ہ س)۔ شمال مشرقی دہلی کے وزیرآباد علاقے میں گردوں کے مریضوں کے لیے وقف جدید طبی سہولت اتراح کیئر اینڈ ڈائیلیسِس سینٹر کا یکم فروری کو باضابطہ افتتاح کیا گیا۔ اس مرکز کی بنیاد جناب نسیم صاحب نے رکھی ہے، جو اس کے بانی اور مالک ہیں۔ افتتاحی تقریب میں تیمارپور سے معزز رکنِ اسمبلی جناب سوریہ پرکاش کھتری بطور مہمانِ خصوصی شریک ہوئے۔اس موقع پر جناب کھتری نے علاقے میں معیاری ڈائیلیسِس اور نیفرولوجی سہولیات کی فراہمی کے لیے اتراح کیئر کی اس پہل کو سراہا۔ انہوں نے کہا کہ وزیرآباد جیسے رہائشی علاقوں میں مکمل طور پر سہولت یافتہ ڈائیلیسِس مراکز نہایت ضروری ہیں، کیونکہ گردوں کے مریضوں کو باقاعدہ اور طویل مدتی علاج کی ضرورت ہوتی ہے۔

اتراح کیئر اینڈ ڈائیلیسِس سینٹر کو جناب نسیم صاحب کی دوراندیشی اور سماجی ذمہ داری کے جذبے کے تحت قائم کیا گیا ہے، جہاں حفاظت، صفائی اور مریضوں کے آرام کو خصوصی اہمیت دی گئی ہے۔ مرکز میں جدید ترین ڈائیلیسِس مشینیں نصب کی گئی ہیں، جو مو¿ثر علاج، مسلسل نگرانی اور اعلیٰ طبی معیارات کی پابندی کو یقینی بناتی ہیں۔ انفیکشن کنٹرول، واٹر پیوریفکیشن سسٹم اور علاج کے معیار پر خصوصی توجہ دی گئی ہے تاکہ مریضوں کی صحت محفوظ رہے۔اس مرکز کو سینئر نیفرولوجسٹ ڈاکٹر سنجیو گلاٹی کی طبی رہنمائی حاصل ہے۔ اس کے ساتھ ساتھ مریضوں کی مشاورت اور دیکھ بھال ڈاکٹر عشرت میر، اسوسی ایٹ کنسلٹنٹ (نیفرولوجی) کی نگرانی میں کی جائے گی، جو ڈائیلیسِس خدمات، مریضوں کے معائنے اور گردوں کی بیماریوں کے طویل مدتی انتظام میں اہم کردار ادا کریں گی۔

جدید ٹیکنالوجی کے ساتھ ساتھ اتراح کیئر ہمدردانہ اور حساس طبی خدمات پر بھی خصوصی زور دیتا ہے۔ مرکز میں تربیت یافتہ ڈائیلیسِس ٹیکنیشنز، اہل نرسنگ اسٹاف اور مخلص معاون عملہ موجود ہے، جو مریضوں اور ان کے اہلِ خانہ کو ذاتی، باوقار اور ہمدردانہ نگہداشت فراہم کرنے کے لیے پرعزم ہے۔افتتاحی تقریب میں معزز شخصیات میں سید شاہد راحت (سابق مشاورتی رکن، قومی کمیشن برائے اقلیتی امور، حکومتِ ہند) اور محمد انس کی باوقار موجودگی بھی رہی۔ تمام معززین نے اس اقدام کی ستائش کرتے ہوئے مرکز کی کامیاب کارکردگی کے لیے نیک تمناو¿ں کا اظہار کیا۔وزیرآباد میں اس مرکز کا اسٹریٹیجک مقام اسے وزیرآباد اور اطراف کے علاقوں کے مریضوں کے لیے نہایت مفید بناتا ہے، تاکہ انہیں اپنے گھروں کے قریب قابلِ اعتماد ڈائیلیسِس سہولیات میسر آ سکیں۔ اس سے باقاعدہ ڈائیلیسِس کروانے والے مریضوں کو سفر کی جسمانی اور ذہنی مشقت سے بھی نجات ملے گی۔یکم فروری کو اتراح کیئر اینڈ ڈائیلیسِس سینٹر کا افتتاح شمال مشرقی دہلی میں گردوں کی صحت سے متعلق طبی ڈھانچے کو مضبوط بنانے کی سمت ایک اہم قدم ہے، جہاں جدید طبی ٹیکنالوجی، تجربہ کار معالجین اور مریض مرکز نقطہ نظر کا حسین امتزاج نظر آتا ہے۔

ہندوستھان سماچار

ہندوستان سماچار / Md Owais Owais