لکھنو¿، 24 فروری (ہ س)۔ جنسی ہراسانی کے الزامات کا سامنا کرنے والے سوامی اویمکتیشورانند سرسوتی نے اب پیشگی ضمانت کے لیے الہ آباد ہائی کورٹ سے رجوع کیا ہے۔ شنکراچاریہ نے ایف آئی آر درج ہونے کے بعد گرفتاری سے بچنے کے لیے ہائی کورٹ میں پیشگی ضمانت کی درخواست دائر کی۔شنکراچاریہ نے ایڈوکیٹ راجرشی گپتا، سدھانشو کمار اور شری پرکاش کے ذریعے ہائی کورٹ میں عرضی داخل کی ہے۔ اس معاملے پر جلد سماعت متوقع ہے۔ درحقیقت تلسی پیٹھادھیشور سوامی رام بھدراچاریہ کے شاگرد آشوتوش برہم چاری نے دفعہ 173 (4) کے تحت ضلعی عدالت میں درخواست دائر کی ہے۔ کیس کی سماعت کے بعد، اے ڈی جے، عصمت دری اورپوکسو کی خصوصی عدالت، ونود کمار چورسیا نے جھونسی پولیس کو حکم دیا کہ وہ سوامی اویمکتیشورانند سرسوتی اور دیگر متعلقہ افراد کے خلاف مقدمہ درج کریں اور تحقیقات کریں۔ عدالت کے اس حکم کی تعمیل کرتے ہوئے پولیس نے مقدمہ درج کر لیا ہے۔ نتیجتاً، شنکراچاریہ اور ان کے ساتھی سنتوں کو کسی بھی وقت گرفتار کیا جا سکتا ہے۔

ہندوستھان سماچار

ہندوستان سماچار / Mohammad Khan