نئی دہلی، 23 فروری (ہ س)۔ دہلی پولیس کی کرائم برانچ کی انسداد منشیات ٹاسک فورس (اے این ٹی ایف) نے بین ریاستی منشیات اوراسپوریس ادویات کے خلاف اپنی مہم میں ایک اور بڑی کامیابی حاصل کی ہے۔ پولیس نے بہار کے پٹنہ کے قریب چل رہی تیسری غیر قانونی منشیات کی فیکٹری کا پردہ فاش کیا ہے۔ جائے وقوعہ سے بھاری مقدار میں نقلی ادویات، اوپی اوایڈ،مشینری اور پیکیجنگ میٹریل برآمد کیا گیا ہے۔

یہ کارروائی کرائم برانچ پولیس اسٹیشن میں ایف آئی آر نمبر 273/25، این ڈی پی ایس ایکٹ کی دفعہ 22 کی جانچ کے دوران کی گئی۔ یہ پوری کارروائی ڈپٹی کمشنر آف پولیس سنجیو کمار یادو کی قیادت میں کی گئی۔ اس معاملے کے پہلے گرفتار ملزم ارون سے پوچھ گچھ کے دوران یہ بات سامنے آئی کہ برجیش نامی شخص پٹنہ کے قریب غیر قانونی طور پر نقلی ادویات اورسیرپ تیار کرنے اور ری -پیکیجنگ کر کے بازار میں سپلائی کر رہا ہے ۔ ارون اوپی او ایڈ کی بڑے پیمانے پر غیر قانونی مینوفیکچرنگ اور تقسیم کو مربوط کر رہا تھا۔

اطلاع کی بنیاد پر اے این ٹی ایف کی ایک ٹیم پٹنہ پہنچی اور ڈرگ ڈپارٹمنٹ کی ایک ٹیم کے ساتھ مل کر چھاپہ مارا۔ تحقیقات سے یہ بات سامنے آئی کہ یونٹ ایک درست لائسنس کے بغیر کام کر رہا تھا اور لازمی مینوفیکچرنگ اور اینالسٹکیمسٹ موجود نہیں تھے۔ ڈرگ ڈیپارٹمنٹ نے ضابطے کے مطابق قانونی کارروائی شروع کر دی ہے۔

ڈپٹی کمشنر آف پولیس کے مطابق، چھاپے ماری کے دوران، پولیس نے کلاوم -25 کی 590 سٹرپس، 30,000 سے زیادہ ایم -موکسی ٹیبلٹ، 53,000 سے زیادہ ایمبی سیٹ ٹیبلٹ، 10,000وکس ایکشن ٹیبلٹ، 8,000ٹرپسن ٹیبلٹ، 8,000ایکسپائرڈ اومیز کیپسول، بغیر لیبل کے کوڈین سیرپ، 20 سے زیادہ دیگر ٹیبلٹ/سیرپ، انڈسٹریل اسٹررر، ڈرم، خالی پی ای ٹی بوتلیں اور ڈھکن اور پیکنگ اور لیبلنگ کا سامان شامل ہے۔

برآمدشدہ ایکسپائرڈ دوائیوں کی بڑی کھیپ سے شبہ ہے کہ انہیں دوبارہ پیک کرکے بازار میں زیادہ قیمتوں پر فروخت کیاجا رہا تھا۔ یہ ادویات جعلی میڈیکل اسٹورز سے سپلائی کی جا رہی تھیں۔

اب تک 9 گرفتار، بھاری مقدار میں نشہ آور پاو¿ڈر برآمد

ڈپٹی کمشنر آف پولیس کے مطابق اس کارروائی میں اب تک نو مشتبہ افراد کو گرفتار کیا جا چکا ہے۔ 13 کلو گرام سے زائد ٹراماڈول پاو¿ڈر اور 500 گرام سے زائد الپرازولم سمیت دیگر سائیکو ٹراپک مادوں کو بھی برآمد کیا گیا ہے۔ پولیس ٹیموں نے مختلف ریاستوں میں ہزاروں کلومیٹر کا سفر کیا ہے، مختلف ماڈیولز اور فیکٹریوں کا پردہ فاش کیا ہے۔

حکام کا کہنا ہے کہ یہ کارروائی ملک میں پھیلے ہوئے منشیات کے ایک بڑے نیٹ ورک کو ختم کرنے کی جانب ایک اہم قدم ہے۔ اے این ٹی ایف /کرائم برانچ دیگر مشتبہ افراد کو گرفتار کرنے اور نیٹ ورک کو مکمل طور پر ختم کرنے کے لیے مسلسل تحقیقات کر رہی ہے۔ ڈی سی پی اے این ٹی ایف سنجیو کمار یادو نے کہا کہ صحت عامہ سے سمجھوتہ کرنے والوں کے خلاف زیرو ٹالرنس کی پالیسی اپنائی جائے گی۔ دہلی کو منشیات سے پاک بنانے کے مقصد کی طرف مہم جاری رہے گی۔

ہندوستھان سماچار

ہندوستان سماچار / محمد شہزاد