نئی دہلی، 23 فروری (ہ س)۔

دہلی پولیس کی کرائم برانچ (سنٹرل رینج) یونٹ نے بین ریاستی اور بین الاقوامی سطح پر کام کرنے والے ایک بڑے غیر قانونی فارماسیوٹیکل ڈرگ سنڈیکیٹ کا پردہ فاش کیا ہے۔ پولیس نے پانچ ملزمان کو گرفتار کیا ہے اور 18,47,400 سائیکو ٹراپک گولیاں برآمد کی ہیں جن کی مالیت تقریباً 8 سے 9 کروڑ روپے ہے۔

کرائم برانچ کے ڈپٹی کمشنر آف پولیس وکرم سنگھ نے پیر کو بتایا کہ یہ کیس 7 اکتوبر 2025 کو شروع ہوا، جب پولیس نے مدن پور کھادر ایکسٹینشن میں مہک اپارٹمنٹس کے قریب جال بچھا کر محمد عابد (50) کو گرفتار کیا۔ اس کے قبضے سے 54 ہزار ٹراماڈول گولیاں برآمد ہوئیں۔ اس سلسلے میں ایف آئی آر نمبر 296/25 این ڈی پی ایس ایکٹ کی دفعہ 22/25 کے تحت درج کیا گیا تھا۔ دوران تفتیش عابد نے انکشاف کیا کہ منشیات اس نے جاوید خان سے منگوائی۔ جاوید کو 30 اکتوبر 2025 کو گرفتار کیا گیا تھا۔ اس نے سمالکھا میں پرہلاد لاجسٹکس کے مالک سنیل کمار کو اپنا سپلائر نامزد کیا۔ سنیل کو 2 نومبر 2025 کو گرفتار کیا گیا تھا، جس نے وشنو دت شرما کا نام بتایا ۔ وشنو دت شرما نے انکشاف کیا کہ اس نیٹ ورک میں وکاس سنگھ عرف ایشور سنگھ اور ٹی سی سیڈانا بھی شامل تھے۔ وکاس کو 6 نومبر 2025 کو گرفتار کیا گیا تھا۔ ایک اور ملزم نوشاد عرف ببلو کی تلاش جاری ہے، اور اسے اشتہاری قرار دینے کی کارروائی جاری ہے۔

تحقیقات سے معلوم ہوا کہ وشنو دت شرما نے 32 ڈبوں ٹراماڈول اور دیگر ممنوعہ ادویات کو برطانیہ میں اسمگل کیا تھا، انہیں گھریلو سامان کے بھیس میں ایک کنٹینر میں چھپا کر رکھا تھا۔ کرائم برانچ نے محکمہ کسٹم کے ساتھ مل کر کنٹینر کو روکا۔ یہ کھیپ برطانیہ نہیں پہنچائی جاسکی اور اسے ہندوستان واپس بھیج دیا گیا۔

ہندوستان سماچار

ہندوستان سماچار / عطاءاللہ