وزیر نرہری جروال کو کلین چٹ کے بعد حکومت پر راؤت کی یلغارممبئی ، 23 فروری (ہ س)۔ ایف ڈی اے وزیر نرہری جروال کو کلین چٹ ملنے کے بعد شیوسینا (یو بی ٹی) کے رکن پارلیمان سنجے راؤت نے مہاراشٹر کی مہایوتی حکومت کو کڑی تنقید کا نشانہ بناتے ہوئے کہا کہ ریاست کی پوری کابینہ کرپشن میں ڈوبی ہوئی ہے اور منترالیہ کا کوئی بھی محکمہ اس سے محفوظ نہیں۔پیر کو ذرائع ابلاغ سے بات کرتے ہوئے انہوں نے الزام لگایا کہ بدعنوانی کی صورت حال ایسی ہے کہ ہر شعبے میں چھاپے مارے جانے چاہئیں اور وزیر اعلیٰ کے دفتر میں بھی بے قاعدگیاں موجود ہیں۔ ان کے مطابق یہ سب سفید پوش جرائم پیشہ عناصر ہیں۔انہوں نے کہا کہ اینٹی کرپشن بیورو وزیر اعلیٰ کی اجازت کے بغیر کارروائی نہیں کر سکتا، جس سے ظاہر ہوتا ہے کہ بدعنوانی کے خلاف حکومت کی پالیسی میں تضاد ہے۔ راؤت نے یہ بھی دعویٰ کیا کہ نرہری جروال کو آدیواسی ہونے کی وجہ سے نشانہ بنایا گیا اور انہیں قربانی کا بکرا بنایا گیا۔ہندوستھان سماچار--------------------

ہندوستان سماچار / جاوید این اے