ممبئی، 4 نومبر (ہ س)۔ بالی ووڈ اداکارہ بھومی پیڈنیکر اب تک اپنے فلمی کیریئر میں کئی چیلنجنگ کردار ادا کر چکی ہیں۔ اب وہ نفسیاتی ہارر فلم ’جانی دشمن: ڈر کے آگے موت ہے‘ میں ایک نئے انداز میں نظر آئیں گی۔ فلم کے سازندوں نے اس کا اعلان کرتے ہوئے پہلا پوسٹر بھی جاری کر دیا ہے۔ فلم کی ہدایت کاری ارشد سید کریں گے، جبکہ ٹی سیریز اور پرہلین سندھو کی کمپنی ’آل مائٹی موشن پکچر‘ مشترکہ طور پر اس کی پروڈکشن کر رہی ہیں۔

فلم کی کہانی ماں اور بیٹی کے درمیان جذباتی رشتے کے گرد گھومتی ہے۔ جاری کیے گئے پوسٹر میں ایک پُرسکون خاتون کے آس پاس خوفناک ماحول دکھایا گیا ہے، جو فلم کی پراسرار دنیا کی جھلک پیش کرتا ہے۔ پوسٹر کے ساتھ لکھا گیا ہے، ’’ڈر تو بہت دیکھا ہوگا، اب خوف محسوس کرنے کے لیے تیار ہو جاؤ۔‘‘ فلم میں جذباتی پہلوؤں کے ساتھ نفسیاتی خوف اور مافوق الفطرت واقعات کو بھی پیش کیا جائے گا۔

اس فلم کے لیے پیرا نارمل سیریز ’بھئے: دی گورو تیواری مسٹری‘ کی تخلیقی ٹیم ایک بار پھر ساتھ آئی ہے۔ بین الاقوامی ایکشن اور اسٹنٹ ڈائریکٹر پیٹر پیڈریرو بھی اس پروجیکٹ سے وابستہ ہیں۔فلم کے سازندوں نے اسے 2027 میں سنیما گھروں میں ریلیز کرنے کا منصوبہ بنایا ہے۔

ہندوستھان سماچار

ہندوستھان سماچار / Mohammad Khan