نئی دہلی، 8 اکتوبر (ہ س):۔

دہلی حکومت کے محکمہ آبکاری نے ایک سرکلر جاری کرتے ہوئے دہلی میں تمام خوردہ شراب کی دکانوں کو 9 اور 10 اکتوبر کو بند رکھنے کا حکم دیا ہے۔

سرکلر کے مطابق دہلی پولیس سے موصولہ معلومات اور موجودہ حالات کے پیش نظر امن و امان برقرار رکھنے کے لیے احتیاطی اقدام کے طور پر 9 اور 10 اکتوبر کو دہلی میں ایل-6، ایل-6 ایف جی، ایل-8، ایل-10، ایل-8 اور اے-14 لائسنس کے تحت چلنے والی تمام خوردہ شراب کی دکانیں مکمل طور پر بند رکھنے کا حکم دیا گیا ہے۔

واضح رہے کہ دہلی میں گزشتہ ایک ہفتے سے اپوزیشن جماعتوں کے مسلسل احتجاج جاری ہیں۔ اس کے علاوہ 10 اکتوبر کو ’کاکروچ جنتا پارٹی‘ (سی جے پی) اور آل انڈیا اسٹوڈنٹس ایسوسی ایشن (اے آئی ایس اے) نے چیف الیکشن کمشنر گیانیش کمار کے استعفے اور ووٹر لسٹ کی خصوصی گہری نظرثانی (ایس آئی آر) سمیت دیگر مطالبات کو لے کر جنتر منتر پر احتجاج کرنے کا اعلان کیا ہے۔

ہندوستھان سماچار

ہندوستان سماچار / عطاءاللہ