غازی آباد، 8 اکتوبر (ہ س)۔ اتر پردیش کے غازی آباد میں واقع ہنڈن ایئر فورس اسٹیشن پر ہندوستانی فضائیہ کے 94ویں یومِ تاسیس کے موقع پر جمعرات کو شاندار تقریب کا انعقاد کیا گیا۔

یومِ تاسیس کی تقریب کے دوران 94ویں ایئر فورس ڈے پریڈ کا آغاز ہوا۔ فضائیہ کے سربراہ ایئر چیف مارشل اے پی سنگھ نے پریڈ کی سلامی لی اور جوانوں کے شجاعت بھرے کارناموں اور نظم و ضبط کو سراہا۔

تقریب کا آغاز صبح تقریباً 8 بجے قومی ترانے سے ہوا۔ اس موقع پر احاطے میں لڑاکا طیاروں اور ہتھیاروں کی نمائش بھی کی گئی۔ پہلی بار برہموس میزائل کے ساتھ دیسی ساختہ طیارے تیجس، آکاش اور دھرو بھی تقریب میں شامل ہوئے۔

تقریب میں بحریہ کے سربراہ ایڈمرل کرشنا سوامی ناتھن اور بری فوج کے سربراہ جنرل دھیرج سیٹھ بھی موجود رہے۔ تقریب کے دوران فضائیہ کی خواتین بٹالین نیلے لباس میں پرچم لے کر آگے بڑھی۔ ان کے پیچھے بٹالین میں شامل فضائیہ کے اہلکار قدم سے قدم ملاتے ہوئے آگے بڑھتے رہے۔

تقریب میں جوانوں اور افسران کے ساتھ بڑی تعداد میں لوگ بھی موجود رہے، جنہوں نے فضائیہ کے اہلکاروں کا حوصلہ بڑھایا۔ یومِ تاسیس کی تقریب کے پیش نظر غازی آباد میں سکیورٹی کے سخت انتظامات کیے گئے۔ ایئر فورس اسٹیشن کے 2 کلومیٹر کے دائرے میں پولیس فورس تعینات رہی۔ کچھ وقت کے لیے ٹریفک کا رخ بھی تبدیل کیا گیا۔

ہندوستھان سماچار

---------------

ہندوستان سماچار / عبدالواحد