علی گڑھ, 03 اکتوبر (ہ س)۔

علی گڑھ کے معروف تعلیمی ادارے امیج کلاسز کی جانب سے سٹی سینٹر میں سالانہ تقریبِ اعزاز کا انعقاد کیا گیا، جس میں مختلف داخلہ امتحانات میں نمایاں کامیابی حاصل کرنے والے طلبہ کو اعزازات سے نوازا گیا۔ تقریب میں طلبہ کی محنت اور کامیابی کو سراہتے ہوئے انہیں مستقبل میں بھی بہتر کارکردگی کے لیے حوصلہ افزائی کی گئی۔

تقریب کے مہمان خصوصی سٹی مجسٹریٹ علی گڑھ ڈاکٹر اتل گپتا تھے، جبکہ مہمان اعزازی کے طور پر ایڈیشنل ڈسٹرکٹ اینڈ سیشن جج، بلندشہر محمد نسیم نے شرکت کی۔ اس موقع پر کامیاب طلبہ کو لیپ ٹاپ، ٹیب، کروم بک، میڈلز، مومنٹوز اور تعریفی اسناد پیش کی گئیں۔

تقریب میں پہلی پوزیشن حاصل کرنے والے طلبہ میں محمد قاسم اور ابوحمزہ نے اے ایم یو کے نویں جماعت کے داخلہ امتحان میں پہلی پوزیشن حاصل کی۔ سکینہ اقبال نے اے ایم یو کے چھٹی جماعت کے داخلہ امتحان میں پہلی پوزیشن حاصل کی۔ محمد شعیب انصاری نے اے ایم یو کے گیارہویں جماعت آرٹس و کامرس کے داخلہ امتحان میں پہلی پوزیشن حاصل کی۔

اسی طرح حافظ محمد معاذ نے اے ایم یو کے ڈپلومہ ان انگلش داخلہ امتحان، جبکہ اریب حسن خان اور رخسار علی نے جامعہ ملیہ اسلامیہ کے گیارہویں جماعت سائنس داخلہ امتحان میں پہلی پوزیشن حاصل کی۔

اس موقع پر امیج کلاسز کے ڈائریکٹر نواب ثاقب ابراہیم، چیف ایگزیکٹو افسر صائمہ ابراہیم، مینیجنگ ڈائریکٹر مدثر مشتاق اور اکیڈمک ہیڈ شعیب ادریس سمیت ادارے کی ٹیم موجود رہی۔

تقریب سے خطاب کرتے ہوئے ڈاکٹر اتل گپتا اور محمد نسیم نے کامیاب طلبہ کو مبارکباد دی۔ انہوں نے کہا کہ کامیابی کے لیے محنت، مستقل مزاجی اور نظم و ضبط ضروری ہے۔ انہوں نے طلبہ کو مستقبل میں بھی اپنے اہداف پر توجہ مرکوز رکھتے ہوئے محنت جاری رکھنے کی تلقین کی۔

مقررین نے امیج کلاسز کی جانب سے طلبہ کو داخلہ امتحانات کی تیاری کے لیے فراہم کی جانے والی رہنمائی کو بھی سراہا۔ تقریب کے اختتام پر کامیاب طلبہ کو مبارکباد پیش کی گئی اور ان کے روشن مستقبل کے لیے نیک خواہشات کا اظہار کیا گیا۔

---------------

ہندوستان سماچار / سید کامران علی گڑھ