ممبئی، 22 اکتوبر (ہ س)۔ اداکار آیوشمان کھرانہ اور آسکر ایوارڈ یافتہ پروڈیوسر گنیت مونگا کپور فلم ’اڑتا تیر‘ کے لیے ایک ساتھ آئے ہیں۔ دونوں اپنے کیریئر کے آغاز ہی سے ایک دوسرے کے سفر سے واقف رہے ہیں۔ آیوشمان کھروانہ کا کہنا ہے کہ فلمی مواد کے انتخاب کے معاملے میں ان کی اور گنیت کی سوچ کافی حد تک یکساں ہے۔ دونوں ایسی کہانیوں کو ترجیح دیتے ہیں جو روایتی انداز سے ہٹ کر ہوں اور سنیما کے ذریعے اہم مسائل پر بحث کا آغاز کر سکیں۔

گنیت کے ساتھ اپنے تعلق کو یاد کرتے ہوئے آیوشمان نے کہا، ”گنیت نے میرا پہلا آڈیشن لیا تھا۔ اس لیے ہمارا تعلق کافی پرانا ہے۔ اس کے بعد سے ہم مسلسل ایک دوسرے کے رابطے میں رہے ہیں اور ایک دوسرے کے سفر کو قریب سے دیکھتے آئے ہیں۔ اب بالآخر ہمیں ایک ساتھ کام کرنے کا موقع ملا ہے۔“

اداکار نے کہا کہ وہ ہمیشہ منفرد اور روایتی انداز سے ہٹ کر بننے والی فلموں کی طرف راغب رہی ہیں۔ دوسری جانب گنیت نے ہندوستانی کہانیوں کو عالمی سطح تک پہنچانے اور مختلف نوعیت کی فلموں کی حوصلہ افزائی کرنے میں بھی اہم کردار ادا کیا ہے۔ فلم ’اڑتا تیر‘ کے ذریعے دونوں حب الوطنی، ایکشن اور کامیڈی کا امتزاج پیش کرنے جا رہے ہیں۔

آکاش کوشک کی ہدایت کاری میں بننے والی فلم ’اڑتا تیر‘ میں آیوشمان کھرانہ کے ساتھ سارہ علی خان بھی نظر آئیں گی۔ حب الوطنی کے موضوع پر مبنی یہ ایکشن کامیڈی فلم مختلف اصناف کو یکجا کرکے ناظرین کو محظوظ کرنے کی کوشش کرے گی۔ یہ فلم 23اکتوبر کو سنیما گھروں میں ریلیز ہونے والی ہے۔

ہندوستھان سماچار

ہندوستان سماچار / محمد شہزاد