ممبئی، 20 اکتوبر (ہ س)۔ بالی ووڈ کے مشہور ستاروں دیپیکا پڈوکون اور رنویر سنگھ نے دسہرہ کے موقع پر اپنی دوسری بیٹی کا نام ظاہر کیا ہے۔ جوڑے نے سوشل میڈیا پر ایک خاندانی تصویر شیئر کرتے ہوئے بتایا کہ ان کی نومولود بیٹی کا نام ’دیوی پڈوکون سنگھ‘ رکھا گیا ہے۔ تصویر میں رنویر اور دیپیکا اپنی دونوں بیٹیوں دعا اور دیوی کے ساتھ نظر آ رہے ہیں۔ اس کے ساتھ انہوں نے لکھا، ’’محبت اور خوشیوں سے بھرپور۔۔۔ دیوی پڈوکون سنگھ۔‘‘
دیپیکا اور رنویر کی اس پوسٹ کو مداحوں کی جانب سے خوب پیار مل رہا ہے۔ تصویر میں خاندان کے اس خاص لمحے کی جھلک دیکھنے کو ملتی ہے۔ دسہرہ جیسے مبارک موقع پر بیٹی کے نام کا اعلان کیے جانے سے یہ خوشی مزید خاص ہوگئی ہے۔ ہندوستانی ثقافت میں ’دیوی‘ کا لفظ طاقت، وقار اور الوہیت کی علامت سمجھا جاتا ہے۔ ایسے میں اس دن نام کا اعلان کیے جانے کو مداح بھی خاص اہمیت دے رہے ہیں۔
دیپیکا اور رنویر نے نومبر 2018 میں شادی کی تھی۔ ستمبر 2024 میں ان کے گھر پہلی بیٹی دعا کی پیدائش ہوئی تھی۔ اب دوسری بیٹی کی آمد سے ان کا خاندان مزید بڑا ہوگیا ہے۔ دونوں فنکار اکثر اپنی نجی زندگی کی جھلکیاں مداحوں کے ساتھ شیئر کرتے رہتے ہیں۔ دوسری بیٹی کے نام کے اعلان کے بعد سوشل میڈیا پر انہیں مبارک باد دی جا رہی ہے۔
ہندوستھان سماچار
---------------
ہندوستان سماچار / عبدالواحد
