ممبئی، 18 اکتوبر(ہ س)۔ اداکار پربھاس کی انتہائی متوقع فلم 'اسپرٹ' کی ریلیز کی تاریخ بدل دی گئی ہے۔ سندیپ ریڈی وانگا کی ہدایت کاری میں بننے والی اس فلم میں پربھاس اور ترپتی ڈمری مرکزی کرداروں میں ہیں۔ یہ فلم اب 29 اکتوبر 2027 کو سینما گھروں میں ریلیز ہوگی۔ اسے پہلے 5 مارچ 2027 کو ریلیز کرنے کا شیڈول تھا۔ نئی تاریخ کے مطابق فلم کی ریلیز تقریبا آٹھ ماہ آگے بڑھا دی گئی ہے۔
'اسپرٹ' کی ریلیز کی نئی تاریخ کے ساتھ ہی سال 2027 میں دیوالی کے آس پاس باکس آفس پر بڑی فلموں کے درمیان تصادم کا امکان بڑھ گیا ہے۔ رنبیر کپور کی رامائن: پارٹ 2 بھی دیوالی 2027 کے دوران ریلیز ہونے والی ہے۔ ایسے میں دونوں فلموں کی ایک ہی وقت میں سینما گھروں میں آمد سامعین کی توجہ اپنی طرف مبذول کرانے کے لیے مقابلہ بڑھا سکتی ہے۔ تاہم دونوں فلموں کی ریلیز کے منصوبوں میں مزید تبدیلیوں کے امکان کو بھی مسترد نہیں کیا جا سکتا۔
دریں اثنا، سندیپ ریڈی وانگا نے 18 اکتوبر کو 'اسپرٹ' سے پربھاس کے نئے روپ کی جھلکیاں شیئر کیں۔ اس کے بعد فلم کے بارے میں مداحوں کا تجسس اور بھی بڑھ گیا۔ پربھاس اور وانگا اس فلم میں پہلی بار ایک ساتھ کام کر رہے ہیں۔
سندیپ ریڈی وانگا اس سے قبل ارجن ریڈی، کبیر سنگھ اور اینیمل جیسی فلموں کی ہدایت کاری کر چکے ہیں۔ ایسے میں پربھاس کے ساتھ ان کی اس نئی فلم پر ناظرین کی امیدیں بہت بڑھ گئی ہیں۔
ہندوستھان سماچار
--------
ہندوستان سماچار / عبدالسلام صدیقی
