ممبئی، 15 اکتوبر (ہ س)۔ سپر اسٹار رجنی کانت کی فلم ’جیلر 2‘ سنیما گھروں میں ریلیز ہوتے ہی شائقین میں مقبول ہو گئی ہے۔ فلم کو لے کر شائقین میں خاصا جوش و خروش دیکھا جا رہا ہے۔

اداکار دھنوش نے بھی فلم کا پہلا شو دیکھنے کے بعد اس کی تعریف کی۔ انہوں نے ’جیلر 2‘ کو بلاک بسٹر قرار دیتے ہوئے شائقین سے فلم دیکھنے کی اپیل کی۔ دھنوش کے مطابق، یہ فلم رجنی کانت یعنی تھلائیوا کے مداحوں کے لیے کسی دعوت سے کم نہیں ہے۔ ان کے ردعمل سے فلم کے حوالے سے شائقین کا جوش مزید بڑھ گیا ہے۔

دھنوش کے علاوہ ہدایت کار کارتک سباراج، اداکار وشنو وشال اور ہدایت کار ناگا ومشی نے بھی ’جیلر 2‘ کی تعریف کی ہے۔ ان فلمی شخصیات نے فلم دیکھنے کے بعد مثبت ردعمل ظاہر کیا۔ پہلے ہی دن ملنے والے ان ردعمل کے بعد فلمی دنیا میں بھی اس کی مزید چرچا ہونے لگی ہے۔ تاہم، فلم کی کامیابی کی حقیقی تصویر شائقین کے ردعمل اور باکس آفس پر اس کی کارکردگی سے سامنے آئے گی۔

رجنی کانت کی فلموں کے لیے شائقین میں ہمیشہ خاص جوش و خروش رہتا ہے۔ ’جیلر 2‘ کی ریلیز کے ساتھ ایک بار پھر ان کی اسٹارڈم کی بحث تیز ہو گئی ہے۔ دھنوش سمیت کئی فلمی شخصیات کی جانب سے تعریف کیے جانے سے فلم کے حوالے سے ابتدائی جوش میں مزید اضافہ ہوا ہے۔ اب سب کی نظریں اس بات پر ہوں گی کہ آنے والے دنوں میں فلم سنیما گھروں میںکس طرح کی کارکردگی مظاہرہ ہے۔

ہندوستھان سماچار

ہندوستان سماچار / محمد شہزاد