ممبئی، 14 اکتوبر (ہ س)۔ اداکار آیوشمان کھرانہ کی آنے والی فلم ’اڑتا تیر‘ کا دوسرا ٹریلر ناظرین کو کامیڈی، ایکشن اور تفریح کی ایک نئی دنیا کی جھلک دکھاتا ہے۔ آیوشمان اور سارہ علی خان کی اداکاری سے سجی اس فلم کو حب الوطنی، مزاح اور ایکشن کا منفرد امتزاج قرار دیا جا رہا ہے۔ فلم 23 اکتوبر کو سنیما گھروں میں ریلیز ہوگی۔

فلم کی کہانی کے بارے میں بات کرتے ہوئے آیوشمان نے کہا، ’’جب آپ کو لگتا ہے کہ آپ جان گئے ہیں کہ ’اڑتا تیر‘ کی کہانی کس سمت جا رہی ہے، تبھی اس میں ایک نیا موڑ آ جاتا ہے۔‘‘ انہوں نے کہا کہ فلم کی خاص بات مختلف اصناف کو ایک ساتھ جوڑنے کا منفرد خیال ہے۔ ان کے مطابق، حب الوطنی، ایکشن اور کامیڈی کو اس طرح کے غیر روایتی انداز میں پیش کرنا ناظرین کے لیے ایک نیا تجربہ ہوگا۔ اداکار کو امید ہے کہ فلم کے غیر متوقع موڑ اور مزاح ناظرین کو بھرپور تفریح فراہم کریں گے۔

آکاش اے کوشک کی تحریر اور ہدایت کاری میں بنی اس فلم میں آیوشمان اور سارہ کے ساتھ مکل دیو، رام کپور، رگھوبیر یادو، برجندر کالا، گلشن گروور، سہیل نیئر، راہل بوس اور سپریا پلگاؤںکر بھی نظر آئیں گے۔

فلم کو کرن جوہر، آدر پوناوالا، اپوروا مہتا، گنیت مونگا کپور اور اچن جین نے دھرما پروڈکشنز اور سکھیا انٹرٹینمنٹ کے بینر کے تحت پروڈیوس کیا ہے۔

ہندوستھان سماچار

---------------

ہندوستان سماچار / عبدالواحد