ممبئی، 14 اکتوبر (ہ س)۔ اجے دیوگن کی فلم ’دریشیم-3‘ باکس آفس پر شاندار کارکردگی کا مظاہرہ کر رہی ہے، لیکن فلم کے ہدایت کار ابھیشیک پاٹھک نے اس کی کہانی کو مزید آگے بڑھانے سے انکار کر دیا ہے۔ انہوں نے واضح کیا کہ فلم کی کہانی اپنے انجام تک پہنچ چکی ہے اور فی الحال اس کا چوتھا حصہ بنانے کا کوئی منصوبہ نہیں ہے۔ ان کے مطابق، کسی فلمی سلسلے کو آگے بڑھانے کا فیصلہ صرف اس کی کامیابی کی بنیاد پر نہیں کیا جا سکتا۔

ایک گفتگو کے دوران ابھیشیک نے کہا کہ انہیں امید ہے کہ آئندہ بھی 2 اکتوبر کو ’دریشیم ڈے‘ کے طور پر یاد رکھا جائے گا۔ انہوں نے بتایا کہ ناظرین کو فلم پسند آ رہی ہے اور وہ اس پر گفتگو بھی کر رہے ہیں، لیکن کہانی مکمل ہو چکی ہے۔

ہدایت کار کے مطابق، بہت سے لوگ ان سے فلم کے چوتھے حصے کے امکان کے بارے میں پوچھ رہے ہیں، لیکن محض کہانی کو آگے بڑھانا ان کا مقصد نہیں ہے۔ انہوں نے موجودہ فلم کے اختتام کو فلمی سلسلے کے لیے موزوں قرار دیا۔

ابھیشیک نے فلم کی دوسرے ہفتے کے اختتام پر ہونے والی کمائی پر بھی خوشی کا اظہار کیا۔ ان کے مطابق، اس دوران فلم نے 60 کروڑ روپے سے زیادہ کا کاروبار کیا ہے، جو کئی فلموں کی پوری نمائش کے دوران ہونے والی کمائی سے بھی زیادہ ہے۔

2 اکتوبر کو ریلیز ہونے والی ’دریشیم-3‘ میں اجے دیوگن نے ایک بار پھر وجے سالگاؤںکر کا کردار ادا کیا ہے۔ فلم میں تبو، شریا سرن، ایشیتا دتہ اور جے دیپ اہلاوت بھی اہم کرداروں میں نظر آ رہے ہیں۔

ہندستھان سماچار

---------------

ہندوستان سماچار / عبدالسلام صدیقی