نئی دہلی، یکم اکتوبر(ہ س)۔ یو اے ای میں ہندوستان کے سفیر ڈاکٹر دیپک متل اور قونصل جنرل ڈاکٹر ای وشنو وردھن ریڈی نے کیپٹن اسمتھ مچھر کے اہل خانہ سے ملاقات کی اور کاک پٹ کے واقعے میں لگنے والی چوٹوں کے بعد ان کی مستحکم صحت یابی کے بارے میں انہیں آگاہ کیا۔ کپتان کا خاندان دبئی میں رہتا ہے۔ یہ اطلاع دبئی میں ہندوستان کے قونصلیٹ جنرل کی سرکاری پوسٹ میں دی گئی ہے۔

ممبئی سے تعلق رکھنے والے فلائی دبئی کے پائلٹ کیپٹن اسمت مچھر کو دبئی سے تل ابیب جانے والی فلائٹ ایف زیڈ 1073 پر عمانی شریک پائلٹ کے حملے کا سامنا کرنا پڑا۔ زخمی ہونے کے باوجود، اس نے کاک پٹ کا دروازہ کھول دیا، جس سے عملے اور مسافروں کو حملہ آور کو قابو کرنے اور 174 جانیں بچانے میں مدد ملی۔

دیپک متل نے ایکس پر کہا، ہمیں کیپٹن اسمت پر فخر ہے، جس نے بہت سی جانیں بچا کر ایک بڑے سانحے کو ٹالا۔ ہم نے ابھی ان کے اہل خانہ سے ملاقات کی اور ان سے تعزیت کا اظہار کیا۔ ہم نے ہندوستانی ہیرو کی فلاح و بہبود کو یقینی بنانے میں حکومت ہند کے مکمل تعاون کا بھی یقین دلایا۔

طیارے کی سعودی عرب کے شہر تبوک میں ہنگامی لینڈنگ کی گئی۔ ہندوستانی حکام اس کے علاج کے لیے متحدہ عرب امارات اور سعودی حکام کے ساتھ رابطے میں ہیں۔ وزیر اعظم مودی اور نیتن یاہو سمیت عالمی رہنماؤں نے ان کی ہمت کی تعریف کی ہے۔

ہندوستھان سماچار

--------

ہندوستان سماچار / عبدالسلام صدیقی