شولاپور، 3 ستمبر(ہ س)مراٹھا ریزرویشن کی تحریک کے دوران

شولاپور میں درج بیشتر مقدمات کو ختم کرنے کا فیصلہ کیا گیا ہے۔ پولیس حکام کے

مطابق شولاپور شہر میں 7 اور دیہی علاقوں میں 59 مقدمات درج ہوئے تھے جن میں سے دیہی

حصے کے 8 مقدمات بدستور باقی رہیں گے جبکہ مجموعی طور پر 51 مقدمات منسوخ کر دیے

گئے ہیں۔ اس حوالے سے پولیس نے رپورٹ عدالت میں پیش کر دی ہے اور ریاستی حکومت کو

بھی مکمل معلومات فراہم کی گئی ہیں۔

ریاست بھر میں مراٹھا ریزرویشن کے لیے جاری احتجاج میں مظاہرین پر سنگین دفعات

کے تحت کارروائیاں ہوئیں جن میں قتل کی کوشش، سرکاری ذمہ داریوں میں رکاوٹ اور

سرکاری املاک کو نقصان پہنچانے جیسے الزامات شامل تھے۔ تاہم حکومت کے پاس یہ قانونی

اختیار موجود ہے کہ وہ عوامی مفاد کے تحت مقدمات کو ختم کرے۔ کرمنل پروسیجر کوڈ

1973 کے مطابق اگر چارج شیٹ داخل نہ کی گئی ہو تو حکومت براہ راست مقدمات واپس لے

سکتی ہے۔ اسی قانون کے تحت شولاپور میں درج 51 مقدمات منسوخ کر دیے گئے ہیں جو

مراٹھا مظاہرین کے لیے بڑی راحت ثابت ہوا ہے۔

ہندوستھان

سماچار

ہندوستان سماچار / جاوید این اے