اندور، 18 ستمبر (ہ س)۔

مدھیہ پردیش کے اندور کے کھڈیل تھانہ علاقے کے تحت مالی کھیڑی چوکی ٹیکری کے نزدیک جمعرات کی دوپہر تین بچے تالاب میں ڈوب گئے۔ اطلاع ملتے ہی کلکٹر شیوم ورما کی ہدایت پر ایس ڈی ایم اجے بھوشن شکلا ضلع انتظامیہ اور پولیس اہلکاروں کے ساتھ فوراً جائے وقوعہ پر پہنچے۔ ٹیم نے ڈوبنے والے تین بچوں کی لاشیں نکال لی ہیں۔

پولیس نے بتایا کہ یہاں کچھ دن پہلے ہی تالاب بنایا گیا تھا۔ راہل نامی شخص نے کچھ دن پہلے پانی کے لیے گڑھا کھدوایا تھا۔ بدھ کو ہوئی بارش سے پانی اس میں بھر گیا۔ جمعرات کو تینوں بچے کھیلتے ہوئے گڑھے میں نہانے اترے تھے۔ تینوں گہرے پانی میں چلے گئے۔ گاوں والوں نے انہیں ڈوبتے ہوئے دیکھا۔ لوگ انہیں بچانے کے لیے گڑھے میں دوڑ پڑے۔ بعد ازاں کناڈیا ٹی آئی یادو اور کھڑیل پولیس جائے وقوعہ پر پہنچی اور گاؤں والوں کی مدد سے لاشوں کو نکالا۔ ایس ڈی ایم شکلا نے بتایا کہ تینوں بچوں کی موت ڈوبنے سے ہوئی ہے۔ کلکٹر ورما کی ہدایت پر خاندان کو دس دس ہزار روپے کی فوری مالی امداد منظور کی جا رہی ہے۔ ساتھ ہی رشتہ داروں کو چار- چار لاکھ روپے کی مالی امداد فراہم کی جائے گی۔

انہوں نے بتایا کہ تینوں بچوں کی لاشوں کو عملے نے پانی سے نکالا اور ایمبولینس کے ذریعے سرکاری اسپتال بھیجا گیا۔ وراٹ اہیروار (5) ولد ہیمنت اہیروار، پریانش (5) ولد کپتان اور کماری گنگن (8) بیٹی کپتان اہیروار ساکن بڑھیا کیما چوکی ٹیکری مالاکھیڑی کی ڈوبنے سے موت ہوگئی۔

ہندوستھان سماچار

---------------

ہندوستان سماچار / انظر حسن