نئی دہلی، 18 ستمبر (ہ س) ۔

دہلی اسمبلی کے اسپیکر وجیندر گپتا نے آج اسمبلی کمپلیکس میں ماں کے نام ایک پیڑ مہم کے حصہ کے طور پر ایک پودا لگایا۔ اس تقریب کا اہتمام وزیر اعظم نریندر مودی کی 75 ویں سالگرہ کی یاد میں کیا گیا تھا۔ اس موقع پر دہلی اسمبلی کے ڈپٹی اسپیکر موہن سنگھ بشٹ اور اسمبلی سکریٹریٹ کے سینئر افسران موجود تھے۔

وجیندر گپتا نے کہا کہ وزیر اعظم نریندر مودی ہمیشہ ہی مادر وطن سے گہرے جڑے رہے ہیں، اور ان کی ایک پیڑ ماں کے نام مہم فطرت کے تئیں ان کی محبت اور ذمہ داری کی علامت ہے۔ انہوں نے وضاحت کی کہ دہلی اسمبلی کمپلیکس میں منعقد شجر کاری کا پروگرام وزیر اعظم کی 75 ویں یوم پیدائش کے موقع پر عزت افزائی اور ہرے بھرے ہندوستان کے ان کے وزن کو آگے بڑھانے کی علامت ہے۔

اس موقع پرا سپیکر نے اسمبلی کمپلیکس میں گرین ایریا میں 20 فیصد اضافے کا اعلان کیا۔ انہوں نے کہا کہ دہلی اسمبلی کو نہ صرف ایک سیاسی مرکز بلکہ ایک سرسبز، خوبصورت اور متاثر کن جگہ ہونا چاہئے، جہاں سے تمام دہلی والوں تک ماحولیاتی ذمہ داری کا مضبوط پیغام پہنچنا چاہئے۔ اس اقدام کے تحت اسمبلی احاطے میں مختلف قسم کے پودے لگائے جائیں گے جن میں پھولدار اور آرائشی درخت، خوبصورت جھاڑیاں، کھجوریں، بانس، بیلیں اور خوشبودار پودے شامل ہیں۔ اس سے نہ صرف اسمبلی کے احاطے کے ماحول میں اضافہ ہوگا بلکہ اسے خوشبودار اور فرحت بخش بھی بنایا جائے گا۔

--------------

ہندوستان سماچار / عطاءاللہ